
नांदेड : जिल्ह्याच्या आणि राज्याच्या राजकारणात आणखी एका नव्या चेहऱ्याचा उदय झाला आहे. माजी मुख्यमंत्री अशोक चव्हाण व अमिता चव्हाण यांची लेक आणि दिवंगत शंकरराव चव्हाण यांची नात श्रीजया चव्हाण आमदार झाल्या आहेत. भोकर विधानसभा मतदारसंघातून काँग्रेसच्या उमेदवाराला धुळ चारत श्रीजया चव्हाण यांनी विधीमंडळात आपले पहिले पाऊल दमदारपणे टाकले आहे.
विधीमंडळ सदस्यांना आज पद आणि गोपनीयतेची शपथ देण्यात आली. लेकीचे कौतुक पाहण्यासाठी (Ashok Chavan) अशोक चव्हाण, अमिता चव्हाण विधानभवनात आवर्जून उपस्थित होते. शपथविधी संपन्न झाल्यानंतर अशोक यांनी आमदार श्रीजय चव्हाण यांना आशिर्वाद देतानाच आपल्या भावना व्यक्त केल्या. अॅड. श्रीजया चव्हाण हिने आज विधानसभा सदस्यत्वाची शपथ घेतली.
तिला आशीर्वाद द्यायला मी आवर्जून विधानभवनात उपस्थित होतो. डॉ. शंकरराव चव्हाण यांचा लोकसेवेचा, विकासाचा वारसा तिला लाभला आहे. (Nanded) लोकांनी तिच्यावर विश्वास दर्शवला आहे. वारसा आणि विश्वास दोन्ही ती सार्थ ठरवेल, याची मला खात्री असल्याचे अशोक चव्हाण म्हणाले.
भोकरमधून निवडून येणाऱ्या चव्हाण कुटुंबातील त्या चौथ्या आमदार ठरल्या आहेत. अशोक चव्हाण यांनी काँग्रेस सोडून भाजपमध्ये प्रवेश केल्यानंतर भोकर मतदारसंघाची निवडणूक त्यांच्यासाठी प्रतिष्ठेची बनली होती. मात्र भोकरच्या मतदारांनी पुन्हा एकदा चव्हाण कुटुंब आणि त्यांच्या नेतृत्वावरच विश्वास दाखवल्याचे दिसून आले.
लोकसभा निवडणुकीत महायुतीचा झालेला पराभव, मतदारसंघात कधीकाळी अशोक चव्हाण यांचा शब्द खाली न पडू देणारे कार्यकर्ते विरोधात काम करू लागल्याने त्यांच्या अडचणी वाढल्या होत्या. घराणेशाहीचा आरोपही विरोधकांनी केला, पण या सगळ्यावर मात करत चव्हाण यांनी भोकरचा गड राखला. चव्हाण कुटुंबाचे या मतदारसंघावर असलेले वर्चस्व मुलीला निवडून आणत अशोक चव्हाण यांनी पुन्हा सिद्ध केले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.