Shivsena UBT News : शिवसेनाप्रमुख बाळासाहेब ठाकरे यांची आज जयंती. शिवतीर्थावरील त्यांच्या स्मारकासमोर नतमस्तक होणाऱ्यांची गर्दी सुरू आहे. अगदी सगळ्या राजकीय पक्षांचे नेते बाळासाहेबांना अभिवादन करायला येत आहेत. देशाचे पंतप्रधान नरेंद्र मोदी आणि बाळासाहेब ठाकरे यांचेही जिव्हाळ्याचे संबंध होते. गुजरातमध्ये झालेल्या गोध्रा हत्याकांडानंतर जेव्हा देशभरातून मोदी विरोधात रोष व्यक्त होत होता, तेव्हा बाळासाहेब ठाकरे हेच त्यांच्या पाठीशी खंबीरपणे उभे राहिले होते.
बाळासाहेब ठाकरे यांना त्यांच्या जयंती निमित्त पंतप्रधान नरेंद्र मोदी यांनी अभिवादनपर संदेश पोस्ट केला. बाळासाहेबांबद्दल आदर भाव व्यक्त करतांना जगभरातील हिंदू जनतेने त्यांना दिलेली हिंदूह्दयसम्राट या बिरुदाचा उल्लेख मोदी यांनी आपल्या संदेशात टाळला. यावरून शिवसेना उद्धव बाळासाहेब ठाकरे पक्षाचे नेते अंबादास दानवे यांनी भाजप आणि मोदी यांना टोला लगावला. पक्ष, चिन्ह, नेता आणि आता बिरुद... गोष्टी लंपास करण्याची मालिका सुरूच दिसते, अशा शब्दात दानवे यांनी भाजपला चिमटा काढला.
एखाद्या पोस्टमध्ये 'हिंदुहृदयसम्राट'हे बिरुद लिहिलेले नसेल, तर भाजप भक्तांना अतीव दुःख आणि त्रास होतो. आज पंतप्रधान महोदयांच्या पोस्टमधून माननीय साहेबांचे 'हिंदुहृदयसम्राट' हे बिरुद वगळण्यात आले. आता भक्त कोणाला दूषण देणार, कुठे रडारड करणार? कारण त्यांच्या शीर्षस्थ नेतृत्वानेच हा शब्द वगळला आहे, अशी खोचक टीका अंबादास दानवे यांनी मोदींच्या पोस्टवर प्रतिक्रिया देतांना केली.
महाराष्ट्राच्या सामाजिक-राजकीय परिदृश्यावर खोलवर प्रभाव टाकणारे दिवंगत मा. बाळासाहेब ठाकरे यांच्या जन्मशताब्दीनिमित्त, या दिग्गज व्यक्तिमत्त्वाला भावपूर्ण आदरांजली. तीक्ष्ण बुद्धिमत्ता, प्रभावी वक्तृत्व आणि ठाम विचारसरणीसाठी ओळखले जाणारे बाळासाहेब जनतेशी एक अद्वितीय नाते जपून होते. राजकारणाबरोबरच त्यांना संस्कृती, साहित्य आणि पत्रकारितेचीही विशेष आवड होती.
व्यंगचित्रकार म्हणून त्यांच्या कारकिर्दीत समाजाचे सूक्ष्म निरीक्षण आणि विविध विषयांवरील निर्भय भाष्य दिसून येते. महाराष्ट्राच्या प्रगतीसाठी त्यांच्या दृष्टिकोनातून आम्हाला मोठी प्रेरणा मिळते आणि ती साकार करण्यासाठी आम्ही सदैव प्रयत्नशील राहू, अशा शब्दात पंतप्रधान नरेंद्र मोदी यांनी बाळासाहेब ठाकरे यांच्याबद्दलच्या भावना व्यक्त केल्या आहेत.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.