Beed Police : बीडच्या पोलीस अधिक्षकांची मोठी कारवाई, दोन पोलिसांचे निलंबन; काय आहे प्रकरण ?

Beed News : केज तालुक्यातील मस्साजोगचे सरपंच संतोष देशमुख यांची हत्या करण्यात आली होती. या प्रकरणातील एक आरोपी वगळता अन्य सर्व आरोपीना ताब्यात घेतले आहे. या प्रकरणी वाल्मिक कराडसह आठ आरोपीवर मकोका अंतर्गत कारवाई करण्यात आली. या संपूर्ण प्रकरणामुळे राज्यातील वातावरण तापले होते.

मुख्यमंत्री देवेंद्र फडणवीस (Devendra Fadanvis) यांनी त्यानंतर नवनीत कांवत यांच्याकडे बीडच्या पोलीस अधिक्षकपदाची जबाबदारी दिली होती.नवनीत कावंत यांनी तपासाची सूत्रे हाती घेताच मोठी कारवाई केल्याचे पाहायला मिळत आहे. आता त्यांनी वाळू माफियांना मदत करणाऱ्या पोलिसांवर कारवाई करण्यास सुरुवात केली आहे. या प्रकरणी त्यांनी गेवराई पोलीस ठाण्यातील दोन पोलीस कर्मचाऱ्यांवर निलंबनाची कारवाई केली.

बीड जिल्ह्यात गेल्या अनेक दिवसांपासून वाळू माफिया, खंडणी अशा गुन्ह्यांची चर्चा आहे. त्यातच वाळू माफियांचा मुद्दा देखील चांगलाच तापलेला पाहायला मिळत आहे. त्यानंतर अवैध वाळू उपसा केल्याच्या प्रकरणातील आरोपींशी साटेलोटे करणाऱ्या बीडच्या गेवराई पोलीस ठाण्यातील दोन कर्मचाऱ्यांना निलंबित करण्यात आले. ही कारवाई पोलीस अधीक्षक नवनीत कावत यांनी केली. गेवराई पोलीस (Police) ठाण्यातील सहाय्यक फौजदार बलराम सुतार आणि पोलीस हवालदार अशोक हंबर्डे यांचा यामध्ये समावेश आहे.

अवैध वाळू उपसा केल्या प्रकरणात आरोपींसोबत साटेलोटे करणाऱ्या बीडच्या पोलीस अधिक्षक नवनीत कावंत यांनी ही कारवाई केली. बीडचे पोलीस अधिक्षक नवनीत कावंत यांनी ही कारवाई केली. गेवराई पोलीस ठाण्यातील सहाय्यक फौजदार बलराम सुतार, पोलीस हवालदार अशोक हंबर्डे यांच्यावर ही निलंबनाची कारवाई करण्यात आली आहे.

सहाय्यक फौजदार बलराम सुतार, पोलीस हवालदार अशोक हंबर्डे या दोघांनी वाळूच्या दोन ट्रॅक्टरवर कारवाईचे आदेश असताना वाळूसह गाडी ताब्यात न घेता फक्त वाहन ठाण्यात आणून लावले. त्याशिवाय गुन्हा दाखल करण्यास देखील विलंब केला. हा प्रकार म्हणजे आरोपींना सहकार्य करण्यासारखा होता. यामुळे पोलिस अधीक्षक नवनीत कावत यांनी बलाराम सुतार आणि अशोक हंबर्डे या दोन कर्मचाऱ्यांचे निलंबन केले.