Beed News : मस्साजोग येथील सरपंच संतोष देशमुख हत्या प्रकरणात माजी मंत्री धनंजय मुंडे यांच्या निकटवर्तियांचा सहभाग असल्याच्या कारणावरून विरोधकांनी त्यांच्या राजीनाम्याची मागणी केली होती. त्यामुळे धनंजय मुंडेंनी मंत्रिपदाचा राजीनामा दिला होता. त्यांनी राजीनामा दिल्यानंतरही त्यांच्यामागील आरोपाचे शुक्लकाष्ट थांबण्याचे नाव घेत नाही. त्यातच आता तपासात तडजोड केल्याच्या आरोपावरून बीडचे पीएसआय रणजित कासले यांना निलंबित करण्यात आले आहे. निलंबनानंतर कासले यांनी व्हिडीओ बनवत धनंजय मुंडे यांच्यावर गंभीर आरोप केले आहेत.
पीएसआय रणजित कासले हे बंदोबस्तासाठी परराज्यात गेले होते. त्यावेळी त्यांचा पैसे घेतानाचा व्हिडिओ व्हायरल झाला होता. त्यामुळे त्यांचे निलंबन करण्यात आले होते. परराज्यात तपासासाठी गेले असता तडजोड करीत पैसे घेत असल्याचा व्हिडिओ समोर आल्यानंतर त्यांना निलंबित करण्यात आले होते.
बीडचे निलंबित पीएसआय रणजित कासले यांनी सोशल मीडियावर व्हिडीओ पोस्ट करत धनंजय मुंडेंवर गंभीर आरोप केले आहेत. विधानसभा निवडणुकीत वाल्मिक कराड, धनंजय मुंडे (Dhananjay Munde) यांच्या गाड्या अडवल्या म्हणून आपली बदली केल्याचा आरोप कासले यांनी केला आहे.
चार महिन्यापूर्वी विधानसभेची निवडणूक पार पडली. त्यामध्ये परळी या ठिकाणी बंदोबस्त लावण्यात आला होता. त्यादिवशी रात्री पेट्या येणार होत्या. त्यामुळे माझी अचानक रात्रीतून बदली करण्यात आली. कारण त्यांना समजलं की, कासले ट्रॅफिकला आहेत. त्यांनी वाल्मिक कराड आणि धनंजय मुंडे यांच्या काही गाड्या पकडल्या. आमच्या पीआयने तर काही कारवाई करु दिलीच नाही. पण गाड्या पकडल्याचं त्यांच्या लक्षात आले, असे रणजित कासले म्हणाले.
निवडणुकीत सर्वाना ड्युटी लावली होती. मात्र, मला सांगण्यात आले की, तुम्हाला ड्युटी नाही. मी म्हणालो की, का सर बंदोबस्त तर फार कमी आहे? आपण गुजरात इथून तिथून पोलीस बोलावली आहेत. ते म्हणाले, तुम्हाला ड्युटी लावण्यात आली नाही. मी विचारलं, का सर? सगळ्यांना ड्युटी लावली पण मला लावली नाही. दुपारच्या 12 वाजता एक मित्र आले. ते म्हणाले, चला आपण जेवायला जाऊयात", असेही कासले यांनी या व्हिडीओत सांगितले आहे.
त्याआधी माझ्या अकाउंटला अचानक 10 लाख रुपये आले. संत बाळूमामा कंस्ट्रक्शन या अकाउंटवरुन माझ्या बँक अकाउंटनर त्याचदिवशी 10 लाख रुपये आले. का आले 10 लाख रुपये? याचा शोध लावायचा आहे. या सर्व प्रकरणाचा शोध लागला पाहिजे, अशी मागणी रणजित कासले यांनी या व्हिडिओद्वारे केली आहे.
(२५ वर्षे पूर्ण करणारा ई-सकाळ आता का्ॅमस्कोअरमध्ये नंबर १. डिजिटल माध्यमांच्या क्षेत्रातली नवी झेप)
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.