Beed Crime : उपसरपंचाच्या मृत्यूनंतर धक्कादायक खुलासे; आत्महत्येदरम्यान नर्तकीचे व्हिडिओ व्हायरलं

Summary :

1. बीड जिल्ह्यातील गेवराई तालुक्यातील लुखामसला गावचे माजी उपसरपंच गोविंद बर्गे यांनी आत्महत्या केली.

2. त्यांनी बंदुकीने गोळी झाडून जीवन संपवलं.

3. वयाच्या फक्त 34 व्या वर्षी त्यांनी धक्कादायक पाऊल उचलले.

4. त्यांच्या आत्महत्येमागे नर्तकीसोबतच्या प्रेमसंबंधांचा धक्कादायक खुलासा झाला आहे.

5. या घटनेमुळे संपूर्ण गावात खळबळ उडाली आहे.

Beed/ Solapur News : बीडमधील गेवराई तालुक्यातील लुखामसला गावचे माजी उपसरपंच गोविंद जगन्नाथ बर्गे यांनी आत्महत्या केली. त्यांनी डोक्यात बंदुकीच्या गोळ्या झाडून घेवून आपली जीवनयात्री संपवली. वयाच्या 34 व्या वर्षी त्यांनी हे धक्कादायक पाऊल उचल्याने अनेकांना मोठा धक्का बसला आहे. यादरम्यान आता गोविंद बर्गे यांच्याबाबत मोठे धक्कादायक खुलासे समोर येत असून त्यांचे एका कला केंद्रातील नर्तकीच्या प्रेमात अकांत बुडाल्याचे समोर आले आहे. तर याच प्रेमात त्याचा अंत झाल्याने आता खळबळ उडाली आहे. तर बर्गे यांच्या आत्महत्या प्रकरणात कला केंद्रातील नर्तकी पूजा गायकवाडला ( वय-21 वर्षी) अटक करण्यात आली आहे.

माजी उपसरपंच बर्गे हे राजकारणासोबतच व्यवसायात देखील सक्रिय होते. मागील काही वर्षांपासून ते प्लॉटिंगचा व्यवसायात गुंतले होते. यातून त्यांना चांगला पैसा मिळाला होता. त्यातून त्यांनी गेवराईला टोलेजंग बंगला, मोठी जमीन, चारचाकी गाडी घेतली होती. मात्र त्यांना कला केंद्रात जाण्याचा नाद लागला होता. याच कला केंद्रात जाण्याच्या नादाने त्यांचा घात केला. येथील नर्तकी पूजा गायकवाड हिच्याशी त्यांची चांगली ओखळ झालीय. हळूहळू ओळखीचे प्रेमात रूपांतर झाले. मात्र हे प्रेम फक्त लोभाचे असल्याचे आता समोर आले आहे.

नर्तकी पूजासाठी गोविंद बर्गे यांचे फेरे कला केंद्राकडे वाढले आणि ते पूजाच्या प्रेमात पडले. यादरम्यान दीड वर्षांच्या कालावधीत बर्गे यांनी पूजाला आयफोन आणि महागडे सोन्याचे दागिने भेट म्हणून दिले. मात्र, पूजाच्या अपेक्षा या प्रेमा पेक्षा वेगळ्या होत्या. तिला पैसांच्या हव्यास वाढला होता. त्यातून तिने गोविंदकडे गेवराईतील बंगला आणि काही जमिनीची मागणी केली. सततचा तगादा लावला. पण काम होत नसल्याने बघून बर्गेशी संबंध तोडले, बोलणेही बंद केले.

पूजा बोलत नसल्याने बर्गे तणावाखाली होता आणि तिला भेटण्यासाठी आणि बोलण्यासाठी तो धडपडत होता. मात्र ती त्याला तयार होत नव्हती. एकीकडे पूजाच्या प्रेमात बर्गे पूर्ण डुबाला असताना दुसरीकडे पूजा मात्र डान्स करून सोशल मीडियावर व्हिडीओ शेअर करत असल्याचे आता समोर आले आहे. ज्यात तिच्या हातात 500 रुपयांची नोट दिसत आहे. ती, 'मला या माणसाचा विचित्र अशी सवय लागलेली आहे. हा माझ्या आयुष्यातून गेला तर माझे फार अवघड होईल', अशी लिप्सिंग करताना दिसत आहे.

यावेळी आणखी एक धक्कादायक बाब समोर आली असून पूजा हिने गोविंदला बदनामी करण्यासह बलात्काराची धमकी दिली होती. याच उद्गिग्नतेतून बर्गे यांनी सोलापुरातील बार्शी तालुक्यातील सासुरे गावात जाऊन स्वत:वर गोळ्या झाडून आत्महत्या केली. ज्यावेळी बर्गे यांनी स्वत:वर गोळी झाडली त्याचवेळी डान्सचा एक व्हिडीओ पूजा हिने सोशल मीडियावर शेअर केला. तिच्या या डान्सचा व्हिडीओ सध्या इंस्टाग्रामवर व्हायरल होत आहे. दरम्यान, आता बर्गे यांच्या आत्महत्या प्रकरणात पोलिसांनी पूजाला ताब्यात घेतले असून तिची चौकशी सुरू आहे. या चौकशीनंतरच आता बर्गे यांनी आत्महत्या का केली? याचे नेमके कारण समोर येणार येणार आहे.

FAQs :

प्र.1: आत्महत्या कुठे घडली?
उ. बीड जिल्ह्यातील गेवराई तालुक्यातील लुखामसला गावात.

प्र.2: आत्महत्या करणारे कोण होते?
उ. गावचे माजी उपसरपंच गोविंद जगन्नाथ बर्गे.

प्र.3: त्यांनी आत्महत्या कशी केली?
उ. डोक्यात गोळी झाडून.

प्र.4: आत्महत्येचं कारण काय समोर आलं आहे?
उ. एका नर्तकीसोबतच्या प्रेमसंबंधांमुळे मानसिक तणाव.

प्र.5: गावातील लोकांची प्रतिक्रिया काय आहे?
उ. या घटनेमुळे गावात आणि परिसरात मोठी खळबळ उडाली आहे.