नांदेड जिल्ह्यातील मुदखेड येथे अतिवृष्टीचे अनुदान न मिळाल्याने संतप्त शेतकऱ्याने तहसिलदारांच्या गाडीची तोडफोड केली.
शेतकऱ्याने पिकांचे नुकसान झाल्यानंतर वारंवार अर्ज करूनही अनुदान न मिळाल्याने संताप व्यक्त केला.
पोलिसांनी शेतकऱ्याला ताब्यात घेतलं असून घटनेची चौकशी सुरू आहे.
Marathwada Heavy Rainfall News : मराठवाड्यातील नांदेड जिल्ह्यात सर्वाधिक अतिवृष्टी आणि महापूराने शेतकऱ्यांचे प्रचंड नुकसान झाले. शेती, घर, जनावरे, पीकं सगळंच वाहून गेल्याने शतेकऱ्यांच्या सहनशिलतेचा अंत होऊ लागला आहे. राज्य सरकारने आतापर्यंतच्या इतिहासातले सर्वाधिक मोठे पॅकेज म्हणत 32 हजार कोटींची मदत राज्यासाठी जाहीर केली. दिवाळीपूर्वी शेतकऱ्यांच्या खात्यात पैसे जमा करण्याचे आश्वासन दिले.
पण ते हवेतच विरले, त्यामुळे संतप्त झालेल्या एका शेतकऱ्याने थेट तहसिलदारांची गाडीच फोडल्याचा प्रकार नांदेड जिल्ह्यात घडला. मुदखेड येथील साईनाथ खानसोळे हा शेतकरी तहसील कार्यालयात आला होता. सरकारने जाहीर केलेल्या पॅकेजमधील अनुदानाचे पैसे अनेक शेतकऱ्यांना अद्यापही मिळाले नाहीत, शेतकऱ्यांचा कोणी वाली नाही, असे म्हणत त्याने फावड्याने तहसीलदारांची गाडी फोडली.
या घटनेनं एकच गोंधळ उडाला. प्रशासकीय कर्मचाऱ्यांच्या मदतीने 34 वर्षीय शेतकरी साईनाथ खानसोळे याला पोलिसांनी ताब्यात घेतले आहे. अतिवृष्टीग्रस्त असूनही आपल्याला शासनाच्या अनुदानाचा अद्यापही लाभ न मिळाल्याने आपण तहसिलदारांच्या गाडीची तोडफोड केल्याचे या शेतकऱ्याने म्हटले आहे.
तहसील कार्यालयात उभ्या असलेल्या तहसिलदारांच्या गाडीवर साईनाथ यांनी फावड्याने हल्ला करत काचा फोडल्याने तणाव निर्माण झाला होता. पोलिसांनी शेतकऱ्याला ताब्यात घेतले असून अधिक तपास सुरू आहे. दरम्यान, गाडी फोडणाऱ्या साईनाथ खानसोळे यांना पोलिसांनी ताब्यात घेतले.
साईनाथ खानसोळे यांच्या खात्यात यावर्षीचे अतिवृष्टीचे 6,200 रुपये अनुदान जमा झाले होते. मागच्या वर्षीचे अनुदान देखील त्यांना मिळाले होते, असा खुलासा तहसिलदार आनंद देऊळगावकर यांनी केला आहे. दरम्यान पोलिसांकडून साईनाथ खानसोळे याची चौकशी सूरू असुन , गुन्हा दाखल करण्याची प्रक्रिया सुरू आहे.
1. ही घटना कुठे घडली?
→ ही घटना नांदेड जिल्ह्यातील मुदखेड तहसिल कार्यालयाबाहेर घडली.
2. शेतकऱ्याने गाडी का फोडली?
→ अतिवृष्टीमुळे झालेल्या पिक नुकसानीचे अनुदान न मिळाल्यामुळे शेतकरी संतप्त झाला.
3. कोणाची गाडी फोडण्यात आली?
→ मुदखेड तहसिलदारांची सरकारी गाडी शेतकऱ्याने फोडली.
4. पोलिसांनी कोणती कारवाई केली आहे?
→ पोलिसांनी शेतकऱ्याला ताब्यात घेऊन त्याच्यावर गुन्हा दाखल केला आहे.
5. प्रशासनाची प्रतिक्रिया काय आहे?
→ तहसिलदारांनी घटनेचा निषेध करत सांगितलं की, शेतकऱ्यांच्या तक्रारींची तपासणी सुरू आहे आणि संबंधित शेतकऱ्याच्या खात्यात अनुदान जमा झाले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.