Hingoli News: हिंगोली कळमनुरी विधानसभा मतदारसंघाचे शिवसेनेचे आमदार संतोष बांगर यांनी मंगळवारी(ता.2) मतदानाच्या दिवशीच पुन्हा एकदा वादात अडकले आहेत. कळमनुरी येथील एका मतदान केंद्रावर मतदान करणाऱ्या महिलेला मार्गदर्शन करतानाचा त्यांचा मोठ्या प्रमाणात व्हायरल झाला आहे. याप्रकरणी आता त्यांच्यावर गुन्हा दाखल करण्यात आला आहे. तसेच निवडणूक अधिकाऱ्यांनीही त्यांच्या या व्हिडीओची गंभीर दखल घेतली आहे. मुख्यमंत्री फडणवीसांनीही बांगर यांना चांगलेच फटकारले होते.आता थेट त्यांची आमदारकीच रद्द करण्याची मागणी समोर आली आहे.
शिवसेनेचे आमदार संतोष बांगर (Santosh Bangar) यांनी जिल्हा परिषद प्राथमिक कन्या शाळेवर मतदानाचा हक्क बजावला. आपण कुणाला मतदान केले, हे दाखवण्यासाठी बांगर यांनी मतदान करताना ईव्हीएमचा व्हिडिओ काढला.एवढ्यावरच थांबतील ते बांगर कसले. त्यांनी यापुढची हद्द म्हणजे कळमनुरी येथील मतदान केंद्रावर मतदान करणाऱ्या महिलेलाही मार्गदर्शन केलं. हे प्रकरण त्यांच्या चांगलंच अंगलट आलं आहे.आता शिवसेना उद्धव ठाकरेंच्या पक्षाच्या जिल्हाप्रमुखानं थेट संतोष बांगर यांच्यावर गंभीर आरोप करत त्यांची आमदारकीच रद्द करण्याची मागणी केली आहे.
शिवसेनेचे (Shivsena) जिल्हाप्रमुख संदेश देशमुख म्हणाले, संतोष बांगर यांनी हिंगोली जिल्ह्याचा बिहार करून ठेवला आहे. निवडणूक आयोग जिवंत असेल तर बांगर यांच्यावर कारवाई करावी आणि त्यांची आमदारकी रद्द करावी अशी मागणी त्यांनी केली आहे. तसेच आमदार बांगर यांनी गोपनीयतेचा नाहीतर आचारसंहितेचा भंग केल्याचा ठपकाही त्यांनी ठेवला आहे.
निवडणूक आयोग जिवंत असेल तर आमदार संतोष बांगर यांच्यावर कार्यवाही करेल. बूथवरील सर्व अधिकाऱ्यांना निलंबित केलं पाहिजे आणि पोलिसांना देखील निलंबित केलं पाहिजे, अशी मागणीही जिल्हाप्रमुख देशमुख यांनी केली आहे.याचदरम्यान, त्यांनी दंडुकेशाही दडपशाहीच्या माध्यमातून हातात मोबाईल घेऊन घोषणा देत असून मतदारांना या निशाणीवर मतदान करण्याचं सांगत आहेत. त्यामुळं बांगर यांची आमदारकी रद्द झाली पाहिजे,अशी मागणी संदेश देशमुख यांनी केली.
मुख्यमंत्री देवेंद्र फडवीस यांनी शिवसेनेचे आमदार संतोष बांगर यांच्या या प्रकारावर संताप व्यक्त केला. ते म्हणाले, किमान लोकप्रतिनिधींनी लोकशाहीची चाड ठेवली पाहिजे. निवडणुकीत आपण कसं वागतोय, आपण कोणता संदेश देतोय याचा विचार केला पाहिजे.अशा शब्दांत फडणवीसांनी बांगर यांना झापलं.
निवडणूक अधिकाऱ्यांनी संतोष बांगर यांच्याकडून गोपनीयतेचा भंग झाला का? याबाबत तातडीने अहवाल मागवण्यात आला होता. त्यानंतर निवडणुक निर्णय अधिकाऱ्यांनी ही कारवाई केली. आमदार संतोष बांगर हे पुन्हा एकदा वादात अडकले आहेत.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.