Pandharpur, 29 January : उपमुख्यमंत्री म्हणून अजित पवार यांनी सहा वेळा शपथ घेतली. कार्तिकी एकादशीला विठ्ठल-रुक्मिणीची शासकीय महापुजा करण्याचा मान उपमुख्यमंत्र्यांचा असतो. त्यानुसार उपमुख्यमंत्री अजित पवार यांना कार्तिकी एकादशीची विठ्ठल रुक्मिणीची शासकीय महापूजा करण्याची संधी दोन वेळा मिळाली. मात्र, आषाढी एकादशीची शासकीय महापूजा करण्याची त्यांची इच्छा मात्र अधुरी राहिली.
आषाढी एकादशीला मुख्यमंत्र्यांच्या हस्ते, तर कार्तिकी एकादशीची विठ्ठल-रुक्मिणीची शासकीय महापूजा उपमुख्यमंत्र्यांच्या हस्ते केली जाते. उपमुख्यमंत्री अजित पवार (Ajit Pawar) यांनी कार्तिकीची विठ्ठल रूक्मिणीची पहिली शासकीय महापूजा 26 नोव्हेंबर 2020 रोजी केली. त्यानंतर 15 नोव्हेंबर 2021 रोजी दुसऱ्यांदा त्यांना शासकीय महापूजेचा मान मिळाला.
राज्याचे मुख्यमंत्री (Chief Minister) होण्याची उपमुख्यमंत्री अजितदादा पवारांची इच्छा काही लपून राहिली नव्हती. त्यांनी अनेकदा तसे बोलूनही दाखवले होते. मुख्यमंत्री करणार आहेत, हे मला माहिती असते तर अख्खी राष्ट्रवादीच घेऊन भाजपसोबत आलो असतो, असे अजितदादांनी जाहीर कार्यक्रमात म्हटले होते.
मुख्यमंत्री म्हणून अजित पवार यांना आषाढी एकादशीची विठ्ठल-रुक्मिणीची शासकीय महापूजा करण्याची संधी मिळावी, अशी राष्ट्रवादी काँग्रेसच्या राज्यातील अनेक कार्यकर्त्यांची इच्छा होती. तसे अनेक कार्यकर्त्यांनी विठुरायाला साकडे देखील घातले होते. पण, आता अजित पवार यांच्या अकाली मृत्युमुळे मुख्यमंत्री म्हणून विठ्ठल-रुक्मिणीची शासकीय महापूजा करण्याची इच्छा अधुरी राहिल्याची भावना कार्यकर्त्यांमधून व्यक्त होत आहे.
पृथ्वीराज चव्हाण यांच्या मुख्यमंत्रिपदाच्या कार्यकाळ उपमुख्यमंत्री असलेले अजित पवार यांनी त्या वेळी सोलापूरचे तत्कालीन पालकमंत्री लक्ष्मण ढोबळे यांनी २०१२ आणि दिलीप सोपल यांना २०१३ मध्ये विठ्ठलाची शासकीय महापुजा करण्याचा मान दिला होता.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.