Kolhapur News: कायदा आणि सुव्यवस्थेचा विचार करत मागील तीनवेळा कोल्हापूर दौरा रद्द केलेले खासदार असदुद्दीन औवैसी कोल्हापूर दौऱ्यावर येणार आहेत. गेल्या काही वर्षांमध्ये कोल्हापूरमध्ये येण्याची घोषणा कार्यकर्त्यांनी केली होती. मात्र, हिंदुत्वादी संघटनेच्या विरोधानंतर काहीवेळा त्यांचा दौरा रद्द झाला होता. पण विधानसभा निवडणुकीनंतर 'एमआयएम'(AIMIM)नं आपला मोर्चा कोल्हापूरकडे वळवला आहे.
आता स्थानिकच्या निवडणुकीच्या आधी एमआयएमनं कोल्हापुरात नव्या कार्यालयाच्या उद्घाटनाच्या माध्यमातून मोर्चेबांधणीसाठी जोरदार हालचाली सुरू केल्या आहेत. शिवाय खासदार इम्तियाज जलील हे देखील कोल्हापुरात येणार असून त्यांच्या हस्ते एमआयएमचे पक्ष कार्यालयाचे उद्घाटन होणार असल्याची माहिती इचलकरंजी लोकसभा जिल्हा समन्वयक इमरान सनदी यांनी पत्रकार परिषदेत दिली.
आगामी स्थानिक स्वराज्य संस्थेच्या निवडणुकीच्या पार्श्वभूमीवर ऑल इंडिया मजलीस- ए- इतेहादुल मुस्लिमीन (एमआयएम) कोल्हापुरातील बागल चौक येथे पक्ष कार्यालय सुरू करणार आहे. येत्या 29 सप्टेंबर रोजी खासदार इम्तियाज जलील आणि खासदार असदुद्दीन औवैसी (Asaduddin Owaisi) उद्घाटनप्रसंगी उपस्थित राहणार आहेत. 29 सप्टेंबर रोजी दुपारी साडेबारा वाजता त्यांचं कोल्हापूर विमानतळ येथे आगमन होणार आहे.
बागल चौक येथे दुपारी दीड वाजता कोल्हापूर शहर कार्यालयाचं उद्घाटन होणार असून सायंकाळी चार वाजता त्यांची पत्रकार परिषद होणार आहे. तर सायंकाळी सात वाजता इचलकरंजी शहरातील जवाहर नगर येथे यशो लक्ष्मी मैदान येथे जाहीर सभा होणार आहे. दरम्यान, या सभेसाठी पोलिसांकडून अद्याप परवानगी मिळालेली नाही. मात्र, लवकरच त्या संदर्भात परवानगी मिळेल, अशी ग्वाही इम्रान सनदी यांनी पत्रकार बैठकीत दिली.
गेल्या काही वर्षांमध्ये एमआयएम पक्षाचे खासदार असदुद्दीन ओवैसी यांनी तीनवेळा कोल्हापुरात येण्याचा प्रयत्न केला. मात्र, त्यांच्या या दौऱ्याला आणि जाहीर सभेला कोल्हापूरकरांचा तीव्र विरोध राहिला आहे. त्यामुळे कायदा आणि सुव्यवस्था राखण्याची परिस्थिती निर्माण झाल्यानंतर पोलिसांनी त्यांना जिल्ह्यात येण्यापासून मनाई केली होती. आता पुन्हा एकदा कोल्हापुरात पक्ष कार्यालय आणि सभा होणार असल्यानं याकडे संपूर्ण जिल्ह्याचं लक्ष लागलेले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.