Pune News : पुणे जिल्ह्यातील भाजपच्या पदाधिकाऱ्यांचा मेळावा प्रदेशाध्यक्ष चंद्रशेखर बावनकुळे यांच्या उपस्थितीत आज (ता.4) संपन्न झाला. या संवाद मेळाव्याला पुणे जिल्ह्यातून अनेक पदाधिकारी कार्यकर्ते उपस्थित होते. या मेळाव्याला संबोधित करताना बावनकुळे यांनी मोठ्या प्रमाणात पक्षप्रवेश घडून आणण्याचा कानमंत्र जिल्ह्यातील पदाधिकाऱ्यांना दिला असल्याचं सांगितलं जात आहे. मात्र या कानमंत्र्यानंतर भाजप पदाधिकाऱ्यांच्याच पोटात गोळा आल्याची सध्या जोरदार चर्चा रंगली आहे.
विधानसभा निवडणुकीनंतर महाविकास आघाडीतून महायुतीमध्ये येणाऱ्या नेत्यांची संख्या मोठ्या प्रमाणात वाढली आहे. नुकताच माजी आमदार संग्राम थोपटे यांच्या रूपाने पुणे जिल्ह्यातील एक काँग्रेसचे मोठे नेतृत्व भाजपच्या गळाला लागले. त्यानंतर आता चंद्रशेखर बावनकुळे यांनी जिल्ह्यातील पदाधिकाऱ्यांना काँग्रेसला फोडा, काँग्रेस रिकामी करा, असा कानमंत्र दिला असल्याचं सांगितलं जात आहे.
त्यामुळे स्थानिक स्वराज्य संस्थांच्या निवडणुकीच्या तोंडावर मोठ्या प्रमाणात भाजपमध्ये पक्ष प्रवेश होण्याची शक्यता आहे. पण या आदेशानंतर आता आगामी स्थानिकच्या निवडणुकीत आपलाच पत्ता कट होणार नाही ना? या भीतीने भाजप पदाधिकाऱ्यांच्या पोटात गोळा आला आहे.
मात्र मोठ्या प्रमाणात पक्षप्रवेश झाल्यामुळे अंतर्गत नाराजी पसरू शकते याची शक्यता लक्षात घेत चंद्रशेखर बावनकुळे यांनी काँग्रेसची कितीही लोकं आपल्याकडे आली तरी तुमचा आधी विचार करणार असल्याचं सांगत पक्षातील पदाधिकाऱ्यांना धीर देण्याचा प्रयत्न केला आहे. 'तुम्ही घाबरू नका पक्ष तुमच्या पाठीशी आहे' असं देखील बावनकुळे यांनी सांगितलं आहे. दरम्यान माध्यमांनी या कानमंत्राबाबत त्यांना विचारला असता बावनकुळे म्हणाले, आम्हाला कान मंत्र देण्याची गरज नाही. पुढील पंधरा वर्षे महायुतीचं सरकार राज्यामध्ये सत्तेत असणार आहे. आपलं पक्ष संघटन वाढवण्यासाठी सर्वच पक्ष पक्ष प्रवेश करून घेत असतात.
विरोधकांमध्ये स्वतःची पार्टी वाढवण्याची क्षमता आता राहिली नाही, काँग्रेस पार्टीमध्ये काही शिल्लक राहिले नाही, शरद पवार साहेबांकडे कोणी जायला तयार नाही, उद्धव ठाकरेंचं शिवबंधन तर सगळे विसरून गेले आहेत. त्यांना त्यांची पार्टी संभाळता येत नाही तर आम्ही काय कराव? शिवसेना ठाकरे गटाचे लोक आमच्या पक्षात प्रवेश करत आहेत आणि आम्हाला सांगतात की उद्धव ठाकरेंनी वक्फ बोर्डाच्या विधेयकाला विरोध केला म्हणून आम्ही तुमच्या पक्षात येत आहोत. आता आम्ही काय करायला हवं? असाही सवाल चंद्रशेखर बावनकुळे यांनी केला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.