Solapur, 22 May : डॉ. शिरीष वळसंगकर यांच्या आत्महत्याप्रकरणास 34 दिवस पूर्ण होत असून पोलिस आता साक्षीदारांचे जबाब न्यायाधीशांसमोर घेत आहेत. पोलिसांच्या तपासाचा संपूर्ण रोख वळसंगकर हॉस्पिटलची प्रशासकीय अधिकारी मनीषा मुसळे माने हिच्यावर केंद्रीत केला आहे. तिच्या वेगवेगळ्या बॅंक खात्यातील एक कोटी 10 लाख 30 हजार 480 रुपयांभोवती फिरत आहे, त्यामुळे पोलिस हे मनीषा मुसळे माने हिचे आर्थिक गैरव्यवहार, त्यातून डॉक्टरांनी तिचे अधिकार काढून घेतल्यानंतर तिने दिलेली धमकी त्यातूनच हे प्रकरण घडले, असा पोलिसांचा कयास असून त्यादृष्टीने पोलिसांनी तपास केला आहे.
डॉ. शिरीष वळसंगकर (Dr. Shirish Valsangkar) यांच्या आत्महत्येला गुरुवारी (ता. 22 मे) 33 दिवस झाले आहेत. या प्रकरणी घेण्यात आलेल्या साक्षीदारांनी आपल्या साक्षी बदलू नयेत, याची काळजी पोलिस घेत असून त्यादृष्टीने पोलिस आता महत्वाच्या साक्षीदारांचे न्यायालयात जबाब नोंदवून घेत आहेत. सुरुवातीला वळसंगकर कुटुंबीयांतील डॉ. उमा वळसंगळकर, डॉ अश्विन वळसंगकर, डॉ शोनाली वळसंगकर यांच्यासह इतर चौघांचे जबाब नोंदविण्यात आलेले आहेत.
शिरीष वळसंगकर यांच्या आत्महत्येप्रकरणी पोलिसांनी तपासाचा फोकस हा मनीषा मुसळे माने हिच्या दिशेने ठेवल्याचे दिसून येत आहे. त्यातून त्यांची मनीषा मुसळे माने (Manisha Musale Mane) हिची पहिल्यांदा पाच दिवसांची पोलिस कोठडी, त्यानंतर चौदा दिवसांची न्यायालयीन कोठडी, पुन्हा दोन दिवसांची पोलिस कोठडी आणि त्यानंतर चौदा दिवसांची न्यायालयीन कोठडी सुनावण्यात आली आहे.
पोलिस आणि न्यायालयीन कोठडीच्या काळात मनीषा मुसळे माने हिने केलेले खोटारडे व घाणेरडे आरोप कोणते होते. रुग्णालयात १८ एप्रिलला फाडलेल्या मूळ ई-मेलचे तुकडे जप्त करणे आदींचा तपास करण्याचे कारण सांगितले होते. पण, पोलिसांनी आता तपासाचा रोख बदलला असून आर्थिक गैरव्यवहाराच्या दिशेने तपास सुरू केला आहे.
मनीषा मुसळे माने हिच्या तीन बॅंक खात्यांतील एक कोटी १० लाख ३० हजार ४८० रुपयांच्या अनुषंगाने पोलिस तपास करीत आहेत. त्यामध्ये प्राप्तीकर न भरताना दाखविण्यात आलेले बॅंक खात्यातील ७० लाख ४३ हजार १६० रुपये आणि ८ एप्रिल २०२२ ते ७ डिसेंबर २०२४ या काळात मनीषा हिच्या बॅंक खात्यात जमा झालेले ३९ लाख ८७ हजार ६८० रुपये, यावर पोलिसांनी तपास केंद्रीत केला आहे.
दरम्यान, मनीषा मुसळे माने हिचे हॉस्पिटमधील आर्थिक गैरव्यवहार समजल्यानंतर डॉ. शिरीष वळसंगकर यांनी मुसळे माने हिचे अधिकार काढून घेतले होते. त्यानंतर मनीषा मुसळे माने हिने आपल्या दोन्ही मुलांना मारून स्वतः जाळून घेऊन आत्महत्या करण्याची धमकी दिली होती आणि त्याला वळसंगकर कुटुंबीय जबाबदार असतील, अशी धमकी ई मेलद्वारे दिली होती. त्यानंतर डॉक्टरांनी मुसळे माने हिला बोलावून घेतले होते, त्या वेळी तिने सर्वांची माफी मागितली होती. मात्र, डॉक्टरांनी बदनामीच्या धमकीमुळे आत्महत्येसारखा टोकाचा निर्णय घेतला असावा, असा पोलिसांचा तर्क आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.