Gokul Politics : गोकुळच्या राजकारणामुळे चढली पोलीस ठाण्याची पायरी; ठरावावरून सचिवाला मारहाण

Kolhapur News, 23 Jun : गोकूळ दुध संघाच्या निवडणुकीच्या ठरावावरून अखेर पोलीस ठाण्याची पायरी चढावी लागली आहे. आजरा तालुक्यातील देवर्डे येथील रवळनाथ दुध संस्थेचे सचिव राजेंद्र बाळकृष्ण पाटील यांना ठराव देण्यावरून माराहाण करण्यात आली आहे.

याबाबत गंगाराम कोंडीबा मळेकर यांच्या विरोधात गुन्हा दाखल झाला आहे. सोमवारी सकाळी ८.३० वाजता दुध संकलन वेळी हा प्रकार घडला. पाटील हे या दुध संस्थेचे सचीव आहेत व मळेकर हे सभासद आहेत. गोकुळच्या राजकारणात ठरावाला अधिक महत्त्व आहे.

दुग्ध निबंध कार्यालयाकडे हे ठराव जमा करण्याची प्रक्रिया सुरू आहे. नेत्यांमधील वाद जमल्यानंतर आता गावागावात दूध संस्थांमध्ये ठरावावरून वातावरण धूमसत आहे. ठराव कोणाकडे द्यायचा यावरून वाद सुरु आहे. असाच प्रकार आजरा तालुक्यात घडला आहे.

यातील फिर्यादी हे रवळनाथ दुध व्यावसायिक संस्था, मर्या. देवर्डे या संस्थचे सेक्रेटरी आहेत. आरोपी हे सभासद आहेत. संस्थेमार्फत गोकुळ दुध संघाचे मतदानसाठी प्रतिनीधी म्हणून निवडीसाठी संचालक मंडळाची सभा होती. या सभेला चेअरमन हजर नव्हते. फक्त तिन संचालक हजर असताना मळेकर याने आपल्या नावाचा ठराव झाला असे जाहीर केले. त्यावेळी सचीव पाटील हे विचारणा करण्यासाठी पुढे गेले.

"मी चेअरमनच्या गैरहजेरीत देखील ठराव करुन घेवू शकतो, तुझा यात काय संबंध' असे म्हणून पाटील यास संचालक यांच्या समोर शिवीगाळी करून कॉलर पकडून मारहाण केली. तोंडावर हाताने मारल्याने पाटील किरकोळ जखमी झाले. पुढील तपास आजरा पोलीस करीत आहेत.