Solapur, 13 January : महापालिका निवडणुकीच्या प्रचाराचा आज शेवटचा दिवस असून सिद्धरामेश्वरांच्या यात्रेचा आज मुख्य दिवस आहे. अक्षता सोहळ्याचे टायमिंग साधून पालकमंत्री जयकुमार गोरे आणि आमदार सचिन कल्याणशेट्टी हे बाराबंदीचा पोशाख करून यात्रेत दाखल झाले आहेत. त्या माध्यमातून त्यांनी सोलापूकरांशी संवाद साधत हजारो मतदारांपर्यंत पोचण्याचा प्रयत्न केल आहे. प्रचाराला आलेले मुख्यमंत्री देवेंद्र फडणवीस यांनीही सभेत बाराबंदी घालून भाषण ठोकले होते, त्यानंतर आता पालकमंत्री गोरे, कल्याणशेट्टींनीही तोच कित्ता गिरवला.
सोलापुरात (Solapur) एकीकडे निवडणुकीचा ज्वर आणि सिद्धरामेश्वरांच्या यात्रेचा उत्साह दिसून येत आहे. यात्रेचा आज मुख्य दिवस असून अक्षता सोहळ्याचे आकर्षण आहे. महापालिका निवडणुकीच्या निमित्ताने पालकमंत्री गोरे हे गेल्या काही दिवसांपासून सोलापुरात तळ ठोकून आहेत. रॅली, पदयात्रा, कोपरा सभा आणि थेट संवाद आदी माध्यमातून ते प्रचार करत आहेत.
प्रचाराचा शेवटचा दिवस असल्याने राजकीय पक्षांच्या नेत्यांनी आणि उमेदवारांनी अक्षता सोहळ्याला हजेरी लावली आहे. या सोहळ्याच्या माध्यमातून त्यांनी एकाच वेळी हजारो मतदारांशी संपर्क साधण्याचा प्रयत्न केला. त्याच पद्धतीने पालकमंत्री जयकुमार गोरे (Jaykumar Gore) आणि अक्कलकोटचे आमदार सचिन कल्याणशेट्टी यांनीही बाराबंदीचा पोशाख परिधान करून अक्षता सोहळ्याला हजेरी लावली आहे.
सिद्धरामेश्वरांची यात्रा आणि बाराबंदीचा पोशाख हा सोलापूरकरांच्या अस्मितेचा विषय आहे. तेच ओळखून पालकमंत्री गोरे आणि कल्याणशेट्टी यांनी अक्षता सोहळ्याला हजेरी लावली आहे. त्या माध्यमातून सोलापूकरांशी विशेषतः मतदारांच्या अधिक जवळ जाण्याचा प्रयत्न केला आहे. अक्षता सोहळ्याच्या माध्यमातून त्यांनी जनतेचा संवाद साधला आहे.
दरम्यान, मुख्यमंत्री देवेंद्र फडणवीस यांची शनिवारी सोलापुरात सभा झाला. सिद्धरामेश्वरांचे दर्शन घेऊन त्यांनी सभेला हजेरी लावली. त्या सभेतही मुख्यमंत्री फडणवीस यांनी बाराबंदी परिधान करून भाषण केले होते. संपूर्ण कार्यक्रम होऊपर्यंत मुख्यमंत्री फडणवीस हे बाराबंदीमध्येच होते. त्यातूनही फडणवीसांनी आपला प्रचाराचा हेतू साध्य केला होता.
मुख्यमंत्री फडणवीस यांच्या पाठोपाठ पालकमंत्री गोरे आणि आमदार सचिन कल्याणशेट्टी यांनी बाराबंदी पोशाख घालूनच सिद्धरामेश्वरांच्या अक्षता सोहळ्याला हजेरी लावली होती. त्यातून त्यांनी आपला प्रचाराच हेतू साध्य केल्याचे मानले जात आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.