Solapur, 23 June : विधानसभा निवडणुकीत वाढलेल्या 70 लाख मतदानाच्या विरोधात युवा नेते सुजात आंबेडकर यांच्या नेतृत्वाखाली वंचित बहुजन आघाडीच्या वतीने सोमवारी जनआक्रोश मोर्चा काढण्यात आला. त्या मोर्चात वंचित बहुजन आघाडीचे राज्य कार्यकारिणी सदस्य अमोल लांडगे यांनी अत्यंत आक्रमक भाषण केले. त्या मोर्चात बोलताना लांडगे यांची जीभ घसरली आणि त्यांनी सोलापूरच्या काँग्रेसच्या खासदार प्रणिती शिंदे यांच्याविरोधात अत्यंत वादग्रस्त विधान केले, त्यामुळे वंचित आणि काँग्रेसमध्ये वाद पेटण्याची शक्यता आहे.
मोर्चात भाजपबरोबर काँग्रेस पक्षावरही जोरदार टीकास्त्र सोडण्यात आले. भाषण करत असतानाच अमोल लांडगे यांनी खासदार प्रणिती शिंदे (Praniti Shinde) यांच्यावर अत्यंत आक्षेपार्ह शब्दांत टीका केली. ते म्हणाले, मागील निवडणुकीच्या वेळी खासदार प्रणिती शिंदे यांनी खूप मोठ्या वल्गना केल्या. बाळासाहेब आंबेडकरांवर टीका केली. वंचित बहुजन आघाडीला भाजपची बी टीम म्हणून संबोधण्यात आले.
मी खासदार प्रणितीताई शिंदे यांना सांगू इच्छितो की, आपण राजकारणी आहात, खासदार आहात. आपल्या काँग्रेस पक्षात काय चालले आहे, ते आपल्याला माहिती असेल. सोलापूर कृषी उत्पन्न बाजार समितीच्या निवडणुकीत आपण कोणासोबत युती केली, हे आपण जनतेला सांगावे. तुम्ही सांगणार नाही. पण वंचित बहुजन आघाडी (Vanchit Bahujan Aghadi) छाती ठोकून सांगेल की तुम्ही भाजपसोबत युती केली आणि तुम्ही बाळासाहेब आंबेडकरांच्या पक्षाला भाजपची बी टीम म्हणता का?, असा सवालही लांडगे यांनी उपस्थित केला.
लांडगे म्हणाले, याद राखा, खासदार प्रणिती शिंदे, तुमचं नाव घेतल्याबरोबर खाली बसलेल्या महिला चप्पल काढायला लागल्या आहेत. माझ्या माता भगिनींना विनंती करतो, आता चप्पल काढू नका. निवडणुकीच्या काळात जेव्हा त्या तुमच्याकडे सेक्युलर म्हणून मतं मागायला येतील. तेव्हा तुमच्या हातात चप्पल घ्या आणि त्यांना जाब विचारा, असे आवाहन त्यांनी उपस्थितांना केला.
निवडणुकीच्या काळात या देशातील सर्वात उच्चशिक्षित नेते असलेले बाळासाहेब आंबेडकर यांना नावे ठेवली आहेत. तुमची लायकी नसताना तुम्ही आमच्या पक्षाला नावे ठेवली आहेत आणि आज तुम्ही सेक्युलर म्हणून आमच्याकडे मतं मागताय. तोंड फिरवा, चप्पल मारा आणि तसेच त्यांना पुढ पळवा, असे आवाहनही लांडगे यांनी केले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.