Maharashtra politics : भाजपचे सांगलीतील नेते सम्राट महाडिक यांनीही आता राष्ट्रवादी काँग्रेस शरदचंद्र पवार पक्षाचे नेते जयंत पाटील यांच्यावर जोरदार निशाणा साधला आहे. आमदार गोपीचंद पडळकर यांच्या वादग्रस्त विधानामुळे नुकताच सांगलीत मोर्चा काढण्यात आला होता. त्यावरूनही महाडिक यांनी हल्लाबोल केला आहे. मी देखील वाळवा तालुक्याचा, फिरायचं अवघड करू, असा इशाराच त्यांनी दिला आहे.
सांगलीत भाजप कार्यालयाच्या उद्घाटनावेळी महाडिक यांनी जयंत पाटलावर टीका केली. ते म्हणाले, गोपीचंद पडळकर यांच्यामुळे आम्हाला चांगले दिवस आले. जयंत पाटील यांनी आम्हाला कधी विचारलं नाही. कधी आमचे फोन उचलत नव्हते, गोपीचंद पडळकर यांच्यावर बोलायचे झाल्यास अनेक जण फोनवर स्क्रिप्ट पाठवत आहेत. त्यावेळी मात्र नेतेमंडळींना कार्यकर्त्यांची किंमत नव्हती. ज्या मंत्र्यांचे कॅरेक्टर खराब आहे, काही गुन्हेगार प्रवृत्तीचे लोक देखील तुमच्यावर बोलू लागली आहेत.
ज्यांना व्यासपीठावर खुर्ची दिली जात नव्हती. ज्यांना किंमत दिली जात नव्हती. त्या लोकांना तुमच्या विरोधात बोलण्यासाठी पुढे केले जात आहे. आमदार पडळकर यांच्यामुळे कार्यकर्त्यांना किंमत येऊ लागली आहे. दहा-दहा वेळा आम्हाला नेत्यांचे फोन येऊ लागले आहेत. पडळकर यांच्या मुळे आम्हाला किंमत आल्याचे सांगत तुमचे आभार मानत असल्याचे भाजप नेते सम्राट महाडिक यांनी स्पष्ट केले.
नुकत्याच झालेल्या विरोधकांच्या मेळाव्यात इस्लामपूर आणि सांगली मध्ये येऊन जे काही बोलले ते जयंत पाटील तुम्हाला मान्य आहे का? जे काही बोलले त्याबाबत जयंत पाटील यांनी राजीनामा द्यावा. स्टेजवर नेत्यांच्या भाषणामध्ये काय हावभाव होते. यावरून तुम्हाला लाज वाटली पाहिजे. तर आमच्यापैकी कोणी चुकीचे बोलला असेल तर तुम्ही निश्चितपणे निषेध व्यक्त करा. पण आमच्या नेत्यांना चुकीच्या पद्धतीने बोलत असाल तर आम्ही खपवून घेणार नाही, असा इशारा सम्राट महाडिक यांनी दिला.
चुकीच्या भाषेला थारा देणार नाही. जर दमदाटी केली तर जयंत पाटील साहेब मी देखील वाळवा तालुक्यातील आहे. तुमच्या धमकीला भीक घालणारे आम्ही नाही. मी देखील तुमचं फिरायला अवघड करू, जे काही चाललं आहे ते जाणून-बुजून चाललं असल्याचा आरोप सम्राट महाडिक यांनी केला.
पडळकर साहेब तुम्हाला फिरू देण्याची धमकी देत आहेत. काळजी करू नका हा सम्राट महाडिक तुमच्या सोबत आहे. तालुक्यातील कोणत्या गावात जायचय सांगा? वाजत गाजत त्यात गावात तुम्हाला मी घेऊन जातो. विरोधकांची नीतिमत्ता काय हे सांगायची गरज नाही. मिरज दंगल का घडली, कोणामुळे घडली? कोणाचे कार्यकर्ते पुढे होते. कोणाचे फोन रात्री त्या ठिकाणी गेले होते. यावरून तुमची नीतिमत्ता कळते. या गोष्टीला देखील जनतेने थारा दिला नाही पाहिजे. आम्ही स्थानिक स्वराज्य संस्थेच्या निवडणुकीला याला जोरदार उत्तर द्या, असे आवाहन सम्राट महाडिक यांनी केले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.