Kolhapur News, 15 Jun : कोल्हापूर जिल्ह्यातील महायुतीच्या सर्व नेत्यांना आगामी सर्व निवडणुका महायुती म्हणून एकत्रितपणे लढवण्याचा निर्णय घेतला आहे. शिवाय जिल्हा नियोजन समितीत आमदारांना 70 टक्के, पालकमंत्र्यांना 30 टक्के निधीचे वाटप करण्याचा निर्णय देखील महायुतीच्या नेत्यांनी आजच्या बैठकीत घेतल्याची माहिती समोर आली आहे.
तर 23 जूनला जिल्हा नियोजन समितीची बैठक घेण्याचाही निर्णय देखील घेण्यात आला आहे. त्यामुळे युतीच्या नेत्यांनी एकजूट दाखवत आगामी स्थानिक स्वराज्य संस्थेच्या निवडणुकीसाठी कंबर कसल्याचं पाहायला मिळत आहे. शासकीय विश्रामगृहावर जिल्ह्यातील महायुतीच्या आमदार, खासदारांसह मंत्र्‍यांची बैठक पार पडली.
या बैठकीला पालकमंत्री प्रकाश आबिटकर, वैद्यकीय शिक्षणमंत्री हसन मुश्रीफ, खासदार धनंजय महाडिक, धैर्यशील माने, आमदार राजेश क्षीरसागर, राजेंद्र पाटील-यड्रावकर, अमल महाडिक, चंद्रदीप नरके यांच्यासह माजी खासदार संजय मंडलिक आणि माजी आमदार प्रकाश आवाडे उपस्थित होते.
राज्यात स्थानिकच्या निवडणुकीचे बिगुल वाजले असून राज्यात काहीही झाले तरीही कोल्हापूर जिल्ह्यात महायुती म्हणूनच सर्वांनी सर्व निवडणुका एकत्रित लढण्याच्या निर्णयावर या बैठकीत बैठकीत सर्व नेत्यांचे एकमत झाले. पालकमंत्री आबिटकर, मंत्री हसन मुश्रीफ आणि खासदार महाडिक, धैर्यशिल माने आणि आमदार क्षीरसागर यांनी निवडणुका एकत्रितपणे लढवणार असल्याचं सांगितलं.
तर या बैठकीत जिल्हा नियोजन समितीची बैठक कधी घ्यायची आणि निधी वाटप कसे करायचे यावर देखील चर्चा झाली. त्यानुसार पालकमंत्र्यांसाठी 30 टक्के आणि सर्व आमदारांसाठी 70 टक्के निधीचे वाटप करण्यावर एकमत झाल्याची माहिती आहे. दरम्यान, राज्यातील अनेक समित्यांच्या निवडी रखडल्या आहेत.
त्यासाठी भाजप 48, शिवसेना 29 आणि अजित पवारांची राष्ट्रवादी 23 टक्के असे सूत्र निश्‍चित झाले असून. त्यानुसार जिल्ह्यातही वेगवेगळ्या समित्यांवर नियुक्त्या केल्या जाणार आहेत. जिल्हा परिषद, महानगरपालिकेसह सर्व निवडणुका एकत्रित लढण्याचा निर्णय एकमताने झाला असला तरी जागावाटप कसे होणार कोणत्या पक्षाला किती जागा दिल्या जाणार याबाबतचा निर्णय अद्याप घेण्यात आला नाही.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.