Kolhapur ZP Election: कोल्हापुरात जिल्हा परिषदेवर येणार महिलाराज! अध्यक्षपदासाठी सर्वसाधारण महिला आरक्षण

Kolhapur ZP Election: राज्यातील जिल्हा परिषदेच्या निवडणुकीसाठी प्रशासन स्तरावर जोरदार हालचाली सुरू झाल्या आहेत. अशातच आज ग्रामविकास विभागाकडून जिल्हा परिषदेच्या अध्यक्षपदाचं आरक्षण आज जाहीर केलं आहे. कोल्हापूर जिल्हा परिषदेवर सर्वसाधारण महिलेसाठी राखीव ठेवण्यात आले आहे. तर राज्यातील विविध वर्गातून १८ जिल्हा परिषदांवर महिला राज येणार आहे. त्यामुळे मातब्बर नेते आई, पत्नी आणि बहिणीसाठी रस्त्यावर उतरण्याची शक्यता आहे.

काँग्रेस-राष्ट्रवादीत लागली होती चुरस

मागील वेळी कोल्हापूर जिल्हा परिषद अध्यक्षपदी काँग्रेसचे राहुल पाटील तर उपाध्यक्षपदी राष्ट्रवादीचे जयवंतराव शिंपी यांच्या नावावर शिक्कामोर्तब झाला होते. या अध्यक्षपदासाठी काँग्रेस की राष्ट्रवादी यांच्यात अंतर्गत स्पर्धा लागली होती. त्यावेळी मात्र भाजप ताराराणी आघाडी काँग्रेस उमेदवारासाठी धावून येऊन अध्यक्ष पदाची निवडणूक बिनविरोध केली होती. त्यापूर्वी मागील पाच वर्षाच्या कालखंडात गोकुळ संचालिका शौमिका महाडिक यांनी अध्यक्षपद भोगले होते.