Shahu Maharaj Chhatrapati Vs Sanjay Mandalik : कोल्हापूर लोकसभा मतदारसंघाचा निकाल काही तासांनंतर स्पष्ट होईल. मात्र, आतापर्यंत मतमोजणीच्या दोन फेऱ्या पार पडल्या आहेत. दुसऱ्या फेरीअखेर शाहू महाराज छत्रपती हे जवळपास 12 हजार मतांनी आघाडीवर आहेत. कोल्हापूर दक्षिण, कोल्हापूर उत्तर, करवीर आणि राधानगरी मतदारसंघात शाहू महाराज यांची मुसंडी कायम आहे.
तर महायुतीचे उमेदवार खासदार संजय मंडलिक (Sanjay Mandlik) हे त्यांच्याच होमपीचवर कागल आणि चंदगड विधानसभा मतदारसंघात सुसाट आहेत. राधानगरीमधून शाहू महाराज छत्रपती यांना पहिल्या आणि दुसऱ्या फेरीत अनुक्रमे अडीच हजार ते साडेतीन हजाराचे मताधिक्य मिळाले आहे. या विधानसभा मतदारसंघात शिवसेने शिंदे गटाचे विद्यमान आमदार प्रकाश आबिटकर हे संजय मंडलिक यांच्या प्रचारात होते.
मात्र शाहू महाराज (Shahu Maharaj Chhatrapati) आणि राधानगरी यांचे जिव्हाळ्याचे संबंध दुसऱ्या फेरीपर्यंत तरी राधानगरीकरांनी दाखवून दिले आहेत. तर कागल आणि चंदगड विधानसभा मतदारसंघात खासदार संजय मंडलिक यांना मताधिक्य मिळताना दिसत आहे. महायुतीचे नेते पालकमंत्री हसन मुश्रीफ शाहू ग्रुपचे अध्यक्ष भाजपचे नेते समरजीत घाटगे यांची पकड या मतदारसंघावर दिसत आहे.
राधानगरी विधानसभा मतदारसंघात महायुतीचे शिवसेना शिंदे गटाचे आमदार प्रकाश आबिटकर आणि राष्ट्रवादी अजित पवार गटाचे माजी आमदार के. पी पाटील यांच्यात विधानसभेची पारंपारिक लढत होते.
कारखान्याच्या निवडणुकीच्या निमित्ताने हे दोघे एकमेकांच्या विरोधात शड्डू ठोकत असतात. विधानसभा निवडणूक डोळ्यासमोर ठेवून माजी आमदार के. पी पाटील काय भूमिका घेतात? याकडे जिल्ह्याचे लक्ष लागले होते.
विद्यमान आमदार आणि माजी आमदार महायुतीत असताना पहिल्या आणि दुसऱ्या फेरीत सर्वाधिक मताधिक्य देणारा तालुका हा राधानगरी ठरला आहे. त्यामुळे दुसऱ्या फेरीअखेर तरी शाहू महाराज छत्रपती हे आघाडीवर आहेत. त्यामुळे हळूहळू निकाल स्पष्ट होईल. पण फेरीत मताधिक्य मिळत गेल्यास, माजी आमदार के. पी पाटील यांनी घेतलेली भूमिका काय होती. हे निकालानंतर स्पष्ट होईल.
चंदगड : 162 मतांनी शाहू महाराज आघाडीवर
राधानगरी : 2016 मतांनी शाहू महाराज आघाडीवर
कागल : 848 मतांनी संजय मंडलिक आघाडीवर
दक्षिण : 1036 मतांनी शाहू महाराज आघाडीवर
करवीर : 730 मतांनी शाहू महाराज आघाडीवर
उत्तर : 3241 मतांनी शाहू महाराज आघाडीवर
एकूण 6337 मतांनी शाहू छत्रपती पहिल्या फेरीत आघाडीवर
चंदगड : 718 मतांनी शाहू महाराज आघाडीवर
राधानगरी : 2136 मतांनी शाहू महाराज मतांनी आघाडीवर
कागल : 1870 मतांनी संजय मंडलिक आघाडीवर
दक्षिण : 250 मतांनी संजय मंडलिक आघाडीवर
करवीर : 2425 मतांनी शाहू महाराज आघाडीवर
उत्तर : 2315 मतांनी शाहू महाराज आघाडीवर
दुसऱ्या फेरी अखेर शाहू महाराज 11811 मताने आघाडीवर आहेत.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.