-विलास साळुंखे
Wai Political News : वाई-खंडाळा -महाबळेश्वर तालुक्याचे आमदार तथा किसन वीर सातारा सहकारी साखर कारखान्याचे अध्यक्ष मकरंद पाटील यांनी विधानसभा मतदारसंघातील गावागावात विकासाची गंगा पोचविण्याचे काम केले आहे. मतदारसंघामधील कोणताच भाग विकासापासून वंचित राहणार नाही, याची तंतोतंत काळजी घेऊन आबांच्या विकास कामांचा झंझावात यापुढेही असाच कायम राहणार आहे, अशी ग्वाही सातारा जिल्हा बँकेचे अध्यक्ष नितीन पाटील यांनी दिली.
वाई तालुक्यातील Wai Politics मापारवाडी- वाकणवाडी ग्रुप ग्रामपंचायती अंतर्गत जलजीवन योजनेचा शुभारंभ नितीन पाटील Nitin Patil यांच्या हस्ते झाला. यावेळी किसन वीर कारखान्याचे उपाध्यक्ष प्रमोद शिंदे, संचालक रामदास इथापे यांची प्रमुख उपस्थिती होती.
नितीन पाटील म्हणाले, मकरंदआबांनी विकास कामांबाबत कधीही तडजोड केलेली नाही. त्यामुळेच आबांनी केलेल्या विकासकामांच्या झंझावातामुळे गेली तीन टर्म त्यांना मोठ्या फरकाने विजयी करून विधानसभेवर पाठविलेले आहे. Maharashtra Political News
भ्रष्टाचारामुळे आर्थिक गर्तेत सापडलेल्या किसन वीर कारखानाही शेतकऱ्यांच्या आग्रहास्तव ताब्यात घेऊन त्याची आर्थिक घडी बसविण्याचा प्रयत्न सुरू आहे. नजीकच्या काळात किसन वीर कारखानाही सुस्थितीत येणार असून यासाठी ऊस उत्पादक सभासदांनीही यासाठी जाणीवपुर्वक प्रयत्न करणे गरजेचे आहे. त्यासाठी ऊस उत्पादकांनी कोणाच्याही तत्कालीन अमिषाला बळी न पडता आपला संपुर्ण ऊस किसन वीर कारखान्यालाच घालावा.
Edited By : Umesh Bambare
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.