Gokul Politics : शिवाजी पाटलांच्या आरोपामुळे मुलगा-मुलीला चांगली स्थळं आली, अरुण डोंगळे म्हणतात, 'लाईन आपल्यापासून सुरु होते...'

Kolhapur Political News : माझी दुबईमध्ये प्रॉपर्टी आहे, ज्यांनी हे आरोप केले आहेत. त्यांनी मला ती प्रॉपर्टी जाऊन दाखवावी. मी त्यांना ती दान करतो. त्यांनी जे आरोप केले. त्याबाबत मी कुठेही अब्रू नुकसानीचा दावा करणार नाही, मात्र आरोप करणाऱ्यांचे मी आभार मानतो. त्यांच्यामुळे माझ्या मुलीला आणि मुलग्याला चांगली स्थळे येत आहेत, अशा शब्दात गोकुळचे माजी अध्यक्ष अरुण डोंगळे यांनी चंदगडचे आमदार शिवाजीराव पाटील यांच्या आरोपाला उत्तर दिले आहे. राष्ट्रवादी काँग्रेसकडून आज ठराव दाखल करण्यात आले, यावेळी ते बोलत होते.

माझ्यावर आरोप भरपूर झाले. पण त्यात तथ्य काय आहे? हे पाहणे महत्त्वाचे आहे. लोकांची दिशाभूल करून गोंधळ निर्माण करणे हे काही लोकांचं कामं होतं. मात्र सभासदांचा, दूध उत्पदकांचा मिळवलेला विश्वास पाठीशी आहे.

त्यामुळे गोकुळशी निगडित सर्व घटक समाधानी आहे. आता राष्ट्रवादीचा वाटा मिळवण्याचं काम सेनापतीचे आहे, असे मंत्री मुश्रीफ यांना उद्देशून विधान केले. आम्ही मंत्री मुश्रीफ साहेबांच्या नेतृत्वाखाली आहोत.

महायुतीमध्ये आम्हाला जागा किती हव्या या मागणीचा अधिकार मला नाही, असे सांगत आमदार सतेज पाटील यांच्या बॅनरबाजीवर उत्तर दिलं आहे. तसं माझं नाव अरुण डोंगळे असून गोकुळमध्ये पुन्हा अरणोदय होणार. जिथं अरुण डोंगळे आहेत. तिथून लाईन सुरु होते, असा टोलाही लगावला आहे.