
Maharashtra Politics: आगामी स्थानिक स्वराज्य संस्थेच्या निवडणुकीच्या पार्श्वभूमीवर राष्ट्रवादी शरदचंद्र पवार पक्षाच्या युवक काँग्रेसमध्ये मोठे बदल घडत आहेत. या संदर्भात मुंबईत बैठक होत असून या बैठकीत सांगलीच्या युवा आमदारांवर राष्ट्रवादीचे नेते शरद पवार हे मोठी जबाबदारी सोपवणार असल्याची माहिती समोर येत आहे.
शरद पवारांच्या राष्ट्रवादी काँग्रेसमध्ये लवकरच संघटनात्मक बदल होण्याची शक्यता आहे. राष्ट्रवादी पक्षाच्या युवक प्रदेशाध्यक्षपदी रोहित पाटील नियुक्ती केली जाणार असल्याची माहिती आहे. आपल्या भाषण कौशल्याने दिवंगत नेते आर आर आबा यांची छाप पाडणारे रोहित पाटील यांच्यावर जबाबदारी दिल्यानंतर निश्चितच युवकांची फौज उभी करण्यामागे त्याचा फायदा होईल, असा अंदाज वरिष्ठ नेत्यांना आहे.
सध्या शरद पवार यांच्या युवक राष्ट्रवादीचे प्रदेशाध्यक्ष मेहबूब शेख आहेत. मेहबूब शेख हे देखील शरद पवार यांच्या मर्जीतील आणि ग्रामीण भागातील मतदारसंघांचा सखोल अभ्यास असणारे नेते म्हणून ओळखले जातात. तर त्या पाठोपाठ तळागाळात आमदार रोहित पाटील हे रुजलेले व्यक्तिमत्व आहे.
शिवाय लोकांच्या दुखत्या नशीवर बोट ठेवून त्यासाठी न्याय मागणारे भाषण कौशल्य रोहित पाटील यांच्याकडे आहे. त्याचा फायदा येणाऱ्या स्थानिक स्वराज्य संस्थेच्या निवडणुकीत होऊ शकतो. असा विश्वास राष्ट्रवादीतील वरिष्ठ नेत्यांना आहे. त्यामुळे मुंबईत सुरू असलेल्या बैठकीत रोहित पाटील यांच्या नावापुढे युवक काँग्रेसचे प्रदेशाध्यक्ष पद दिले जाण्याची शक्यता आहे.
स्वर्गीय आर आर आबा पाटील यांचे निधन झाल्यानंतर त्यांच्या पत्नी सुमनताई पाटील यांच्या प्रचारात आघाडी रोहित पाटील यांनीच घेतली होती. तर नुकत्याच झालेल्या विधानसभा निवडणुकीत माजी खासदार संजय पाटील यांचा पराभव करून ते आमदार झाले होते.
शिवाय राष्ट्रवादी काँग्रेस शरद पवार पक्ष यांच्याकडून प्रचाराच्या निमित्ताने राज्यभर दौरे केले आहेत. लोकसभा निवडणुकीत देखील त्यांच्या भाषणांचा फायदा महाविकास आघाडीतील उमेदवारांना झाला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.