Sangli News: सांगली मिरज कुपवाड महानगरपालिकेच्या तोंडावर भाजपचा टेन्शन वाढले आहे. 78 जागांसाठी होणाऱ्या निवडणुकीकडे तब्बल या महानगरपालिकेसाठी भाजपमधून 570 जणांचे उमेदवारी मागणीचे अर्ज भाजपकडे आले आहेत. तर प्रभाग क्रमांक 14 मधून तब्बल 70 जणांनी उमेदवारी अर्ज मागणी केल्याने भाजपचे (BJP) टेन्शन वाढले आहे.
पालकमंत्री चंद्रकांत पाटील यांच्यासह आमदार सुधीर गाडगीळ, सुरेश खाडे यांना उमेदवारीबाबत कसरत करावी लागणार आहे. शिवाय ज्याला उमेदवारी मिळणार नाही तो बंडखोरी करण्याची शक्यता असल्याने वरिष्ठ पक्ष श्रेष्ठींना विचार करून निर्णय घ्यावा लागणार आहे.
भाजपकडून प्रभाग 14 मध्ये इच्छुकांची भाऊगर्दी झाली असून तब्बल 70 जणांनी पक्षाकडे अर्ज दिले आहेत. प्रभाग 13 मधून सर्वात कमी 10 अर्ज आले आहेत. भाजपकड़े आलेल्या 570 इच्छकांचे अर्ज प्रदेश कार्यालयाकडे पाठविण्यात येणार आहेत. तोंडावर आलेल्या महापालिका निवडणुकीसाठी (Municipal Corpration Election) भाजपच्या वतीने इच्छुकांकडून अर्ज मागवण्यात आले होते. त्यानुसार सांगली जिल्हा कमिटीकडे इच्छुक उमेदवारांनी अर्ज सुपूर्द केले होते.
महापालिकेच्या एकूण 78 जागांसाठी 20 प्रभागांमधून तब्बल 570 इच्छुकांचे अर्ज पक्षाकडे अआले आहेत. जिल्हा परिषदेत पूर्वीच महापालिका निवडणूक होण्याची चिन्हे दिसत आहेत. या पार्श्वभूमीवर राजकीय पक्षांमध्ये लगबग वाढली आहे.
भाजप नेते महायुती म्हणूनच महापालिका निवडणूक लढवणार असल्याचे सांगत असले तरी महापालिकेच्या सर्व वीस प्रभागातून भाजपने इच्छुकांचे अर्ज गोळा केिले आहेत. शिवाय इच्छुकांची संख्या पाहता भाजप नेत्यांसमोर उमेदवार निवडीचे आव्हान असणार आहे.
गावभाग, सराफ कट्टा, सिद्धार्थ परिसर यांचा समावेश असलेला प्रभाग १४ हा भाजपचा बालेकिल्ला समजला जातो. त्यामुळे अपेक्षेप्रमाणे या प्रभागात भाजपकडून उमेदवारीसाठी इच्छुकांची मोठी संख्या आहे. आणि पक्षाकडे आलेल्या ७० अर्जामधून ते स्पष्ट झाले आहे.
संपूर्ण सांगलीवाडीचा समावेश प्रभाग क्रमांक 13 मध्ये आहे. या ठिकाणी तीनच सदस्य आहेत. त्यातही यंदा या प्रभागात 2 जागा सर्वसाधारण महिला प्रवग्गासाठी, तर एक ना.मा.प्र.साठी आरक्षित आहे. या तीन जागांसाठी केवळ 10 इच्छुकांचे अर्ज भाजपकड़े आले आहेत.
भाजपचे शहर -जिल्हाध्यक्ष प्रकाश ढंग म्हणाले, " भाजप 'प्रदेशच्या सूचनेनुसार महापालिका निवडणुकीसाठी इच्छुकांचे अर्ज मागवण्यात आले आहेत. ५७० अर्ज आले आहेत. त्यांची प्रभागनिहाय अ, ब, क, ड नुसार यादी तयार करून प्रदेश कार्यालयाकडे पाठवली जाणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.