Sangli News, 07 Feb : पुण्यातील स्वारगेट बसस्थानकात (Swargate Rape Case) शिवशाहीमध्ये एका तरूणीवर बलात्कार झाल्याची घटना ताजी असतानाच सांगलीमध्ये एका शिवशाहीमध्ये तरूणीची छेड काढल्याचा संतापजनक प्रकार उघडकीस आला आहे.
या छेडछाड प्रकरणी सांगली (Sangli) शहर पोलिस ठाण्यात संशयित आरोपी मयूर कांबळे याच्या विरोधात विनयभंगाचा गुन्हा दाखल करण्यात आला आहे. वैभव कांबळे, असे या संशयित तरुणाचं नाव आहे.
मिळालेल्या माहितीनुसार, पुण्याहून सांगलीला एक तरुणी शिवशाही बसमधून येत होती. यावेळी आष्टा परिसरात संशयीत आरोपी मयूर कांबळेने तरूणीची छेड काढून तिचा विनयभंद केला. या घटनेनंतर सदर तरुणी ही भयभीत झाली.
त्यानंतर सांगली बस स्थानकात गाडी पोहचताचं तरुणीने घडलेला सर्व प्रकार बस चालक आणि वाहकाला सांगितला. यावेळी संशयित मयूर कांबळेने पळ काढण्याचा प्रयत्न केला. मात्र, प्रवाशांनी त्याला पकडून आधी चोप दिला आणि त्यानंतर त्याला शहर पोलिसांत (Police) घेऊन गेले.
सांगली शहर पोलिस ठाण्यात मयूर कांबळेच्या विरोधात विनयभंगाचा गुन्हा दाखल करण्यात आल्याची माहिती पोलिस निरीक्षक संजय मोरे यांनी दिली. ते म्हणाले, "गुरूवारी (ता.6) मध्यरात्री 12 च्या सुमारास बस स्थानकावर महिला रडत थांबल्याचे निदर्शनास आले.
पोलिसांनी त्या महिलेला विचारपूस केली असता तिने घडलेला प्रकार सर्व सांगितला आणि पोलिसांनी त्या आरोपीस तात्काळ अटक केली. त्यानंतर न्यायालयासमोर हजर केल्यानंतर त्याला 15 दिवसांची न्यायालयीन कोठडी सुनावली आहे."
२५ वर्षे पूर्ण करणारा ई-सकाळ आता का्ॅमस्कोअरमध्ये नंबर १. डिजिटल माध्यमांच्या क्षेत्रातली नवी झेप
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.