राष्ट्रवादी आमदार रोहित पवारांनी संजय शिरसाट यांच्यावर ५०० कोटींच्या जमीन घोटाळ्याचा गंभीर आरोप केला.
या प्रकरणात पवारांनी नवी मुंबईत सिडको भवनावर मोर्चा काढला.
फडणवीसांनी पवारांना सुनावले असले तरी पवारांनी पुरावे दाखवण्याची तयारी दर्शवली आहे.
Pune News : सामाजिक न्यायविभागाचे मंत्री संजय शिरसाठ यांच्याविरोधात राष्ट्रवादी काँग्रेस शरद चंद्र पवार पक्षाचे आमदार रोहित पवार यांनी भ्रष्टाचाराचे गंभीर आरोप केले आहेत. शिरसाट यांनी पाचशे कोटी रुपयांच्या जमीन घोटाळा केला, असा आरोप रोहित पवारांनी करताना नवी मुंबईच्या सिडको भवनावर मोर्चा देखील काढला. त्यामुळे राज्यात खळबळ उडाली असतानाच मुख्यमंत्री देवेंद्र फडणवीसांनी रोहित पवारांना चांगलेच फटकारले आहे. त्याला रोहित पवार यांनी देखील प्रतिउत्तर दिला आहे.
आज मुख्यमंत्री फडणवीस पुणे दौरावर होते. या दौऱ्या दरम्यान त्यांनी माध्यमांशी संवाद साधला. रोहित पवार यांनी सिडको संदर्भात केलेल्या आंदोलनाबाबत विचारला असता फडणवीस म्हणाले, रोहित पवार किंवा ही सगळी मंडळी रोज आरोप करत असतात. त्यांनी पुरावे दिले पाहिजेत. बिना पुरावेचे आरोप करणे योग्य नाही. आता त्यांच्याकडे काय पुरावे आहेत आणि ती काय केस आहे? याची मला पूर्ण माहिती नाही. मात्र रोहित पवार हे बिना पुरावेच्या आरोप करत असतात, असे म्हणत फडणवीस यांनी रोहित पवारांना फटकार लगावली. त्यावर आता रोहित पवार यांनी देखील प्रतिक्रिया दिली आहे.
रोहित पवार म्हणाले, आदरणीय देवेंद्र फडणवीस साहेब, मी कधीही पुराव्यांशिवाय आरोप करत नाही. सिडको प्रकारणात मंत्री संजय शिरसाठ साहेब यांनी बिवलकर कुटुंबाला ज्या बेकायदा पद्धतीने भूखंड देण्याचा निर्णय घेतला त्याचे सर्व पुरावे पत्रकारांना दिले आहेत.
आपणही भेटीची वेळ द्यावी, आपल्यालाही याबाबतचे सर्व पुरावे दिले जातील. आपण अभ्यासू आहात हे मान्य करतो. त्यामुळं मी दिलेले पुरावे अभ्यासल्यानंतर आपण स्वतःहूनच या भ्रष्टाचारी मंत्र्याची हकालपट्टी केल्याशिवाय राहणार नाहीत. त्यासाठी आपण भेटीची वेळ द्यावी.
शिवाय, याच जागेबाबत आम्ही आणखी काही कागदपत्रांची मागणी सिडको आणि विधी व न्याय विभागाकडं केली आहे. यामध्ये दडवण्यासारखं काहीही नसेल तर ही कागदपत्रंही तातडीने उपलब्ध करुन देण्याच्या सूचना आपण संबंधित अधिकाऱ्यांना द्याव्यात ही आमची विनंती असल्याचं रोहित पवार म्हणाले.
प्र.१: रोहित पवारांनी कोणावर आरोप केला आहे?
उ.१: सामाजिक न्यायमंत्री संजय शिरसाट यांच्यावर ५०० कोटींच्या जमीन घोटाळ्याचा आरोप केला आहे.
प्र.२: मोर्चा कुठे काढण्यात आला?
उ.२: नवी मुंबईतील सिडको भवनावर रोहित पवारांनी मोर्चा काढला.
प्र.३: फडणवीसांनी यावर काय प्रतिक्रिया दिली?
उ.३: उपमुख्यमंत्री देवेंद्र फडणवीसांनी रोहित पवारांना फटकारले, मात्र पवारांनी सर्व पुरावे देण्याचे आव्हान केले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.