Kolhapur News: कोल्हापुरात भाजपचा काँग्रेसच्या सतेज पाटील यांना धक्का बसला आहे. लोकसभा आणि विधानसभा निवडणुकीच्या तोंडावर काँग्रेसमध्ये पक्षप्रवेश केलेले नेते उद्या भाजपात प्रवेश करणार आहे. विनायक उर्फ अप्पी पाटील कमळ हाती घेणार आहेत. आमदार शिवाजी पाटील यांच्यासह मुख्यमंत्री देवेंद्र फडणवीस (Devendra Fadnavis) यांची भेट घेतली आहे.
कोल्हापूर जिल्ह्यातल्या चंदगड विधानसभा मतदारसंघात भाजपची ताकद वाढणार आहे. आमदार शिवाजी पाटील यांच्या राजकीय खेळीने मतदारसंघात गणितं बदलण्याची शक्यता आहे. आगामी स्थानिक स्वराज्य संस्थांच्या निवडणुकीत विनायक पाटील यांच्या पक्षप्रवेशामुळे भाजपला मोठं बळ मिळणार आहे.
चंदगड विधानसभा मतदारसंघातले नेते विनायक पाटील शनिवारी (ता.1 नोव्हेंबर) मंत्री चंद्रकांत पाटील आणि आमदार शिवाजी पाटील यांच्या उपस्थितीत भाजपमध्ये प्रवेश करणार आहे. मुंबईत घेतलेल्या भेटीनंतर विनायक उर्फ पप्पी पाटील यांचा भाजप प्रवेश निश्चित झाला आहे.
गेल्या वर्षी अप्पी पाटील यांनी विधानसभेची निवडणूक अपक्ष निवडणूक लढवली होती. आता त्यांच्यासोबत माजी जिल्हा परिषद सदस्य अशोक खमलेटी , महागावचे सरपंच प्रशांत शिंदे , श्रीशैल पाटील त्यांच्यासह शेकडो कार्यकर्ते उद्या भाजपमध्ये प्रवेश करणार आहे.
चंदगड विधानसभा मतदारसंघातील नेते, जिल्हा मध्यवर्ती बँकेचे माजी उपाध्यक्ष विनायक उर्फ अप्पी पाटील यांनी विधानसभा निवडणुकीच्या आधी आमदार सतेज पाटील(Satej Patil) यांच्या नेतृत्वाखाली हजारों कार्यकर्त्यांच्या समवेत काम करण्याचा निर्णय जाहीर केला होता.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.