पुण्यातील खराडी परिसरातील ड्रग पार्टी प्रकरणात राष्ट्रवादी काँग्रेस (शरद पवार गट) यांच्या महिला प्रदेशाध्यक्षा रोहिणी खडसे यांनी पुणे पोलिसांकडे उपस्थिती लावली आहे.
या चौकशीत पोलिसांनी खडसे यांच्याकडून पार्टीतील उपस्थिती, संपर्क व माहितीविषयी प्रश्न विचारले.
या घटनेमुळे राजकीय वर्तुळात खळबळ माजली असून, राष्ट्रवादीच्या शरद पवार गटावर विरोधकांनी टीका सुरू केली आहे.
Pune News : राष्ट्रवादी काँग्रेस शरदचंद्र पवार पक्षाच्या महिला प्रदेशाध्यक्ष रोहिणी खडसे यांचे पती प्रांजल खेवाळकर यांना पुण्यातील खराडी भागात 27 जुलै 2025 रोजी झालेल्या 'ड्रग पार्टी' प्रकरणात अटक झाली होती. सध्या या प्रकरणांमध्ये प्रांजल खेवलकर यांना जामीन मंजूर झाला असून ते नुकतेच कोठडी मधून बाहेर आले आहे.
तसेच फॉरेन्सिक रिपोर्टमध्ये देखील प्रज्वल खेवलकर यांनी कोणत्याही प्रकारचं ड्रग सेवन केलं नसल्याचं समोर आला आहे. त्यामुळे खडसे कुटुंबाला या प्रकरणात काही प्रमाणात दिलासा मिळाला असल्याच्या चर्चा सुरू आहेत. या चर्चेंच्या दरम्यान मात्र रोहिणी खडसे यांना पुणे पोलिसांनी नोटीस पाठवलीय. त्या अंतर्गत आज रोहिणी खडसे या पुणे पोलिसांपुढे हजर झाल्या आहेत.
खराडी रेव पार्टी प्रकरणात रोहिणी खडसे यांच्यावर मोबाईल डेटा छेडछाडीचा संशय आहे. रेव पार्टी प्रकरणाशी संबंधित मोबाईल डेटा बदलण्यासाठी जळगावमध्ये त्याच नंबरचा नवीन सिम कार्ड खरेदी करण्यात आलं आणि नवीन मोबाइल डिव्हाईसमध्ये व्हॉट्सअॅप रीइन्स्टॉल करून बॅकअप सेटिंग्ज बदलल्या गेल्या असल्याचं पोलिसांना संशय आहे.
हे सिम कार्ड प्रकरण, मोबाईल डेटा तपासणीशी जोडलेले असून, पुणे पोलिसांनी याला गंभीरतेने घेतले आहे. प्राथमिक तपासात रोहिणी खडसे यांचा यात सहभाग असल्याचे पोलिसांना शक्यता वाटत असल्याने या प्रकरणांमध्ये पोलिसांकडून रोहिणी खडसे यांना नोटीस बजावण्यात आली होती.
त्यामुळे रोहिणी खडसे पुणे पोलिसांकडे हजर झाल्या असून त्यांची पुणे पोलिसांकडून त्यांची दीड तास कसून चौकशी करण्यात आली. तसेच पोलिसांनी त्यांचा याबाबतचा जबाब नोंदवून घेतला असल्याचं सांगितलं जात आहे.
दरम्यान या प्रकरणांमध्ये रोहिणी खडसे यांचा सहभाग आढळल्यास पोलिसांकडून त्यांना या प्रकरणांमध्ये सह आरोपी करून घेण्याची प्रक्रिया देखील केली जाऊ शकते असं सांगितलं जात आहे.
प्रश्न 1: खराडी ड्रग पार्टी प्रकरण काय आहे?
👉 पुण्यातील एका हॉटेलमधील पार्टीदरम्यान ड्रग्सचा वापर झाल्याचा आरोप झाला असून, त्यावर पोलिसांनी कारवाई केली आहे.
प्रश्न 2: रोहिणी खडसे कोण आहेत?
👉 त्या राष्ट्रवादी काँग्रेस (शरद पवार गट) यांच्या महिला प्रदेशाध्यक्षा आहेत आणि माजी मंत्री एकनाथ खडसे यांच्या कन्या आहेत.
प्रश्न 3: त्या चौकशीसाठी का बोलावल्या गेल्या?
👉 पोलिसांच्या माहितीनुसार त्या पार्टीतील काही व्यक्तींशी संपर्कात असल्याची माहिती मिळाल्याने त्यांची चौकशी करण्यात आली.
प्रश्न 4: चौकशीदरम्यान काय घडलं?
👉 रोहिणी खडसे यांनी पोलिसांशी सहकार्य केलं असून, त्यांनी सर्व प्रश्नांना उत्तर दिल्याचं सूत्रांनी सांगितलं.
प्रश्न 5: या प्रकरणाचा राजकीय परिणाम काय?
👉 या घटनेमुळे राष्ट्रवादी काँग्रेसमध्ये चर्चा रंगली असून, विरोधकांनी या प्रकरणावरून शरद पवार गटावर निशाणा साधला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.