Walmik Karad : कुबेराचा खजिना जमवणाऱ्या वाल्मिक कराड यांच्या सालगडीवर उपासमारीची वेळ

Solapur News : राज्यासह देशात बीड सरपंच संतोष देशमुख हत्याकांडाने संतापाचे राण उठवले होते. राज्यात विविध जिल्ह्यात दिवंगत देशमुखांना न्याय देण्याची मागणी करताना आक्रोश मोर्चे काढण्यात आले होते. तर नव नव्या खुलाशांमुळे अनेकांना धक्का लागत होता. असाच धक्का वाल्मिक कराड याच्या संपत्तीमुळे अनेकांना लागला होता. तर आता धक्का त्याच्या सालगड्याची झालेल्या अवस्थेवरून लागला आहे.

वाल्मीक कराड यांची दुसरी पत्नी असल्याची धक्कादायक माहिती सामाजिक कार्यकर्त्या अंजली दमानिया यांनी दिली होती. ज्योती मंगल जाधव असे त्यांचे नाव असून त्या बार्शी तालुक्यातील शेंद्री गावात राहत असल्याचे म्हटले होते. धक्कादायक बाब म्हणजे ज्योती मंगल जाधव यांच्या नावे 36 एकर जमीन असल्याची माहिती ट्विट करत दमानिया यांनी दिली होती.

यानंतर आणखी एक धक्कादायक माहिती समोर आली असून दुसऱ्याला ठगणाऱ्या वाल्मीक कराडने आपल्या सालगड्या देखील सोडले नाही. दुसरी पत्नी ज्योती मंगल जाधव यांच्या शेतात सालगडी म्हणून काम करणाऱ्या कामगारांवर आता उपासमारीची वेळ आली आहे.

लातूर जिल्ह्यातील रेणापूर तालुक्यातील माणिक आणि शिंदे कुटुंब ज्योती जाधव यांच्या शेतात सालगडी म्हणून काम करत आहेत. मात्र गेल्या तीन महिन्यापासून माणिक आणि शिंदे कुटुंबाला मजुरी देण्यात आलेली नाही.

माणिक आणि शिंदे गेल्या सात महिन्यापासून जाधव यांच्या शेतात सालगडी म्हणून काम करत आहेत. मात्र गेल्या तीन ते चार महिन्यापासून ज्योती जाधव यांनी कोणत्याही प्रकारची आर्थिक मदत माणिक शिंदे किंवा त्यांच्या कुटुंबाला केलेली नाही.

यामुळे ज्योती जाधव यांच्या शेत जमिनीवर काम करणाऱ्या शिंदे-माने कुटुंबीयाला दुसऱ्यांच्या शेतात कामावर जाण्याची आली वेळ आहे. इतकेच नाही तर शिंदे माणिक कुटुंब गेल्या तीन महिन्यापासून मुलांना मिळणाऱ्या शाळेतील तांदळावर भूक भागवत आहेत.