1 युतीवर लवचिक भूमिका – सुजात आंबेडकर यांनी सांगितले की वंचित बहुजन आघाडी भाजप व त्यांचे मित्रपक्ष वगळता इतर पक्षांशी स्थानिक पातळीवर युती करू शकते.
2 जातीमध्ये तेढ निर्माण करणाऱ्या भाजपवर टीका – बंजारा समाजासह विविध जातीय प्रश्नांवरून भाजप राज्यात तेढ पसरवत असल्याचा आरोप त्यांनी केला.
3 आंबेडकरवादी ऐक्य – वंचित बहुजन आघाडीला 90% आंबेडकरी जनतेचा पाठिंबा असून आंबेडकर कुटुंबात फूट नसल्याचे सुजात आंबेडकर यांनी स्पष्ट केले.
Solapur, 15 September : आगामी स्थानिक स्वराज्य संस्थांच्या निवडणुकीच्या पार्श्वभूमीवर वंचित बहुजन आघाडीच्या वतीने राज्यात युवा एल्गार सभा, कार्यकर्त्यांचे मेळावे सुरु आहेत. त्याच अनुषंगाने अक्कलकोटमध्ये कार्यक्रम झाला. येत्या निवडणुकीत पूर्ण ताकदीने लढून जिंकायचं, हाच वंचितचा अजेंडा आहे. भाजप आणि त्यांचे मित्रपक्ष सोडून आम्ही कोणाशीही युती करू शकतो, युती करण्याचे अधिकार स्थानिक पातळीवरील नेते घेतील, असे भाष्य वंचित बहुजन आघाडीचे युवा नेते सुजात आंबेडकर यांनी निवडणूक युतीबाबत केले आहे.
अक्कलकोटमधील युवा एल्गार सभेनंतर सुजात आंबेडकर (Sujat Ambedkar) यांनी पत्रकार परिषदेत बोलताना स्थानिक स्वराज्य संस्थांच्या निवडणुकीसंदर्भात भाष्य केले. तसेच, निवडणूकपूर्व युतीबाबतही सुजात हे बोलले आहेत.
एसटीमधील समावेशासाठी बंजारा समाजाकडून सुरू असलेल्या आंदोलनाबाबत सुजात आंबेडकर म्हणाले, वंचितने (Vanchit) बंजारा समाजबद्दल अनेक वेळा भूमिका मांडली आहे. बंजारा समाज हा प्रचंड मागास आहे. कर्नाटकमध्ये बंजारा समाज एसटीमध्ये येतो, तर राजस्थानमध्ये तो ओबीसी आहे. त्यामुळे बंजारा समाजाबाबत खूप मोठे प्रॉब्लेम आहेत. तांड्यावर मागास परिस्थिती आहे.
लक्ष्मण हाके यांच्या आंदोलनावर सुजात आंबेडकर म्हणाले, संपूर्ण देशभरात जातीयमध्ये तेढ निर्माण करणे आणि त्यातून होणाऱ्या आंदोलनात यंत्रणा लावून स्वतःची राजकीय पोळी भाजण्यात भाजप कायम पुढं असतं. महाराष्ट्रातही जाती जातीमध्ये तेढ निर्माण करण्यासाठी भाजपने प्रयत्न केल्याचे दिसते. आधी हिंदू-मुस्लिम, दलित-मराठा आणि आता ओबीसी-मराठा असा चित्र ठिकठिकाणी भाजपने निर्माण केलंय.
लक्ष्मण हाके यांच्या सभेत बाळासाहेब आंबेडकर फोनवरून म्हणाले होते की, ओबीसी समाजाने जागरूक व्हायला हवं. ओबीसी समाजानेही आता हे लक्षात घेतलं पाहिजे की कुणबी-मराठ्यांना ओबीसीमध्ये समाविष्ठ करण्याचा जीआर भाजप सरकारनेच काढला आहे, त्यामुळे ओबीसींना स्वतःच्या हक्कासाठी लढावं लागेल, असेही आंबेडकर यांनी नमूद केले.
सुजात आंबेडकर म्हणाले, लक्ष्मण हाके बाळासाहेब आंबेडकर यांच्या भूमिकासोबत येतात का, हे आम्हाला ही बघायचं आहे. हाके यांची भूमिका त्यांची आहे. पण, आमची भूमिका कायम ओबीसी आणि बहुजनांसोबत प्रामुख्याने राहिली आहे.
राज -उद्धव ठाकरे युतीशी आम्हाला देणंघेणं नाही
राज आणि उद्धव ठाकरे यांच्या युतीवरही सुजात आंबेडकर यांनी भाष्य केले. ते म्हणाले, आमची युती प्रबोधनकार ठाकरे यांच्या विचारांसोबत असलेल्या पक्षसोबत होती. त्यांची युती होईल की नाही, आमचा त्याच्याशी काही संबंध नाही. वंचित समूहाला त्यांचे प्रश्न महत्वाचे आहेत, त्यांना या युतीशी देणंघेणं नाही.
'काका (आनंदराज आंबेडकर) आमच्यासोबत'
आंबेडकरवादी चळवळ आणि विचार एकच आहेत. वंचित हा एक पक्ष आहे. सुमारे 90 टक्के आंबेडकरी जनता ही वंचितसोबत आहे. आमचे काका (आनंदराज आंबेडकर) आमच्यासोबत आहेत, ते कधीही दूर गेलेले नव्हते, असेही वंचितचे युवा नेते सुजात आंबेडकर यांनी स्पष्ट केले.
प्र.1: वंचित बहुजन आघाडी कोणाशी युती करू शकते?
उ. – भाजप आणि त्यांच्या मित्रपक्षांखेरीज इतर पक्षांशी स्थानिक पातळीवर.
प्र.2: बंजारा समाजाबाबत सुजात आंबेडकर यांची भूमिका काय आहे?
उ. – तो प्रचंड मागास असून एसटी समावेशासाठी त्यांची स्थिती गंभीर असल्याचे त्यांनी सांगितले.
प्र.3: भाजपवर कोणता आरोप करण्यात आला?
उ. – जातीयतेत तेढ निर्माण करून राजकीय लाभ घेण्याचा आरोप.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.