Prakash Ambedkar : 'संभाजी भिडेला आत टाकलं नाही, 'ती' चूक पुन्हा करू नका', देवेंद्र फडणवीसांना प्रकाश आंबेडकरांचा सल्ला

Prakash Ambedkar News : रायगडावरील वाघ्या कुत्र्याची समाधी हटवण्यावरून सध्या वाद पेटला आहे. संभाजीराजे छत्रपती यांनी मुख्यमंत्र्यांना पत्र लिहून समाधी हटवण्याची मागणी केली आहे. तर, संभाजी भिडे यांनी संभाजीराजेंची भूमिका चुकीची असून वाघ्या कुत्रा होता. त्याची समाधी हटवण्यास विरोध दर्शवला.संभाजी भिडेंच्या भूमिकेविषयी वंचित बहुज आघाडीचे प्रमुख प्रकाश आंबेडकर यांना विचारले .

प्रकाश आंबेडकर म्हणाले, 'मी याच्यावर बोलणार नाही. देवेंद्र फडणवीस यांना सांगणार आहे की तुम्ही आज मुख्यमंत्री आहात. तुम्ही अटल बिहार वाजपेय यांना आठवा. त्यांनी असं म्हटलं आहे की जो कोणी राजदंड हातात घेतो त्याला राज्य चालवता आलंच पाहिजे. जो कोणी कायद्याला मानत नसेल त्याला आतमधी टाकता आलं पाहिजे.'

'देवेंद्र फडणवीस यांनी भिमा कोरेगावच्या वेळेस आतमध्ये टाकलं नाही. बळ दिलं. ती चूक पुन्हा करू नका हीच माझी अपेक्षा आहे.', असे म्हणत संभाजी भिडेला बळ न देण्याचा सल्ला प्रकाश आंबेडकर यांनी अप्रत्यक्षपणे मुख्यमंत्री फडणवीस यांना दिला.

सौगात ए मोदीवर टीका

ईद निमित्त गरीब मुस्लिम कुटुंबांना सरकारकडून सौगात ए मोदी हे कीट देण्यात येत आहे. या कीटमध्ये शेवया, खजुर, सुकामेवा, साखर, डाळ, बेसन, तेल हे साहित्य आहे. मात्र सौगात ए मोदी हे राजकीय हेतुने दिले असल्याचे प्रकाश आंबेडकर म्हणाले. २२ टक्के हिंदू सरकारच्या विरोधात गेले असतील तर आपल्याला दुसरा मतदार पाहिजे म्हणून मुस्लिमांचे लांगुनचालन सुरू असलेले आम्ही बाहेर आणले आहे, असे प्रकाश आंबेडकर म्हणाले.