Bombay High Court decision: मोठी बातमी! प्रकाश आंबेडकरांना मोठा धक्का; 76 लाख वाढीव मतदानाच्या याचिकेवर मुंबई हायकोर्टाचा महत्त्वाचा निर्णय

Mumbai News : विधानसभा निवडणुकीत सायंकाळी पाचनंतर झालेल्या 76 लाख मतदानावर आक्षेप घेऊन, निवडणूक आयोगाविरोधात मुंबई हायकोर्टात प्रकाश आंबेडकर यांनी निवडणूक आयोगाच्या विरोधात याचिका दाखल केली होती. या याचिकेवर सोमवारी संध्याकाळपर्यंत सुनावणी झाली होती. त्यामुळे या याचिकेवर कोर्ट काय निर्णय घेणार याची उत्सुकता लागली होती.

या याचिकेसंदर्भातील सुनावणी सोमवारी पूर्ण झाली होती. त्यानंतर निर्णय बुधवारी देण्यासाठी न्यायालयाने राखून ठेवला होता. त्यानंतर मुंबई हायकोर्टाने यासंदर्भातील निर्णय दिला. सुनावणीवेळी कोर्टात प्रकाश आंबेडकर (Prakash Ambedkar) यांनी निवडणूक आयोगाविरोधात दाखल केलेली याचिका फेटाळली. त्यामुळे आंबेडकर यांच्यासाठी हा मोठा धक्का मानला जात आहे.

निवडणूक आयोगाविरोधात (Election Commision) वंचित बहुजन आघाडीचे अध्यक्ष प्रकाश आंबेडकर यांनी याचिका दाखल केली होती. विधानसभा निवडणुकीत मतदानाच्या दिवशी सायंकाळी पाच वाजेनंतर झालेल्या 76 लाख मतदानावर प्रकाश आंबेडकर यांनी अक्षेप घेतला होता. ही याचिका सॊमवारी दिवसभर ऐकून आमच्या कामकाजाचा वेळ वाया गेला, असेही हायकोर्टाने म्हटले आहे.

विधानसभा निवडणुकीत मतदानाच्या दिवशी सायंकाळी पाचनंतर झालेल्या 76 लाख मतदानावर प्रकाश आंबेडकर यांनी आक्षेप घेतला होता. या याचिकेमध्ये काही प्रमुख मागण्या आणि आक्षेप घेतले होते, त्यामध्ये संध्याकाळी पाचनंतर जे 76 लाख मतदान वाढले, त्यामध्ये 19 अशा जागा होत्या, ज्यामध्ये मतदान सर्वाधिक वाढले होते. एवढं मतदान अचानक कसं वाढलं, असा प्रश्न त्यांनी आपल्या याचिकेमधून उपस्थित केला होता.

प्रकाश आंबेडकर यांच्या या याचिकेवर सोमवारी दिवसभर सविस्तर युक्तिवाद झाला. न्यायालयाने या प्रकरणाचा निकाल राखून ठेवला होता. बुधवारी न्यायालयानं या संदर्भात निकाल दिला आहे. प्रकाश आंबेडकर यांची याचिका फेटाळून लावण्यात आली आहे. न्यायमूर्ती गिरीश कुलकर्णी आणि न्यायमूर्ती आरीफ यांच्या खंडपिठाने हा निकाल दिला आहे.