२०११ साली शिरोली येथे झालेल्या स्वाभिमानी शेतकरी संघटनेच्या आंदोलनात झालेल्या प्रकरणातून राजू शेट्टी आणि कार्यकर्त्यांची निर्दोष सुटका झाली आहे.
या आंदोलनात शेतकरी आक्रमक झाले होते आणि राज्यभर त्याची मोठी दखल घेतली गेली होती.
कायद्याच्या प्रक्रियेनंतर न्यायालयाने सर्व आरोपींना दोषमुक्त केल्याची महत्त्वाची घोषणा करण्यात आली.
Kolhapur News : शेतकऱ्यांना आपल्या घामाचा पैसा मिळावा यासाठी 2011 साली स्वाभिमानी शेतकरी संघटना रस्त्यावर उतरली. माजी खासदार राजू शेट्टी यांच्या आंदोलनाखाली शिरोली येथे आंदोलन चाललं. आंदोलनात प्रथमच शेतकरी आक्रमक झाल्यानंतर जाळपोळ झाली. ज्यानंतर राजू शेट्टींचे हे आंदोलन राज्यभर पेटलं. या आंदोलनात पोलिसांना देखील टारगेट करण्यात आले. त्यामुळे राज्य सरकारने देखील या आंदोलनाचा धसका घेतला. आणि पोलिसांनी शेंट्टींसह ८० जाणांवर गुन्हे दाखल केलं.
यानंतर आज तब्बल १४ वर्षांनी या केसचा निकाल लागला असून न्यायालयाने या प्रकरणातून स्वाभिमानी शेतकरी संघटनेचे राजू शेट्टी आणि त्यांचे कार्यकर्त्यांची निर्दोष र्दोष मुक्तता केली आहे. हा आदेश कोल्हापूर सत्र न्यायालयाचे न्यायाधीश कश्यप यांनी सुनावणीनंतर दिला आहेत. या निकालानंतर आंदोलनातील शेतकऱ्यांनी न्यायालयाच्या आवारातच एकमेकाला गळाभेट घेत आनंद व्यक्त केला.
यावेळी बोलताना राजू शेट्टी म्हणाले की, शेतकरी आंदोलने करत असताना आंदोलन दडपण्यासाठी तत्कालीन राज्य सरकारने पोलिस प्रशासनास हाताशी धरून जाणीवपुर्वक हा गुन्हा दाखल केलेला होता.
या गुन्ह्यातून निर्दोष मुक्तता झाल्याने चळवळीमध्ये लढण्यासाठी कार्यकर्त्यांना पुन्हा बारा हत्तीचे बळ आले आहे. शेतकरी हा न्याय हक्कासाठी व घामाच्या दामासाठी संघर्ष करत होता आणि तो यापुढेही लढतच राहणार असल्याची भावना राजू शेट्टी यांनी व्यक्त केली.
शिरोली येथे झालेल्या घटनेनंतर सुरवातीस वडगांव न्यायालयात कामकाज चालले. त्यानंतर जिल्हा सत्र न्यायालयाकडे सदर प्रकरण वर्ग करण्यात आले. गेली १४ वर्षे या आंदोलनातील आरोपी असलेले सर्व शेतकरी कार्यकर्ते न्यायालयाच्या पायऱ्या झिजवित होते.
अखेर प्रदीर्घ वर्षानंतर सर्व आंदोलकांची निर्दोष मुक्तता करण्यात आली. या प्रकरणी ॲड.ब्रिजेश शास्त्री, ॲड. श्रेणिक पाटील, ॲड. अमेय मकरे, ॲड, सुवर्णभद्र पाटील, ॲड. टी वाय जाधव, ॲड. प्रिती चिटणीस, ॲड. ऋषिकेश काकडे, ॲड. ऋषिकेश शास्त्री, ॲड. व्ही व्ही डोईजड यांनी न्यायालयीन कामकाज पाहिले.
FAQs :
1) २०११ चं शिरोली आंदोलन कशासाठी होतं?
शेतकऱ्यांना त्यांच्या मेहनतीचा योग्य मोबदला मिळावा यासाठी स्वाभिमानी शेतकरी संघटनेने हे आंदोलन केलं होतं.
2) या आंदोलनात कोण सहभागी होते?
राजू शेट्टी यांच्या नेतृत्वाखाली स्वाभिमानी शेतकरी संघटनेचे मोठ्या प्रमाणावर कार्यकर्ते सहभागी होते.
3) आंदोलनात नेमकं काय घडलं होतं?
आंदोलनादरम्यान आक्रमक परिस्थिती निर्माण झाली आणि जाळपोळ व गोंधळाचे प्रकार घडले.
4) न्यायालयाचा निर्णय काय आला?
न्यायालयाने राजू शेट्टी आणि सर्व कार्यकर्त्यांची निर्दोष सुटका केली.
5) हा निर्णय शेतकरी चळवळीवर काय परिणाम करेल?
हा निकाल शेतकरी चळवळीला सकारात्मक ऊर्जा देणारा ठरेल, असा अंदाज व्यक्त केला जातो.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.