Ashok Kharat : SIT चौकशीत नवीन अपडेट: 40 ते 45 नेते खरातच्या संपर्कात; राजकीय निर्णय घेण्यापूर्वी घेत होते सल्ला

Maharashtra SIT investigation into Ashok Kharat contacts: भोंदू अशोक खरात प्रकरण तपासणीचा आज एसआयटीचा 13 दिवस आहे. खराटे यांच्या कार्यालयात अनेक वस्तू सापडल्या आहेत. एसआयटीच्या तपासात पोलिसांनी रोज नवीन अपडेट मिळत आहेत. अशोक खरातच्या संपर्कात नियमितपणे 40 ते 45 राजकीय नेते होते, अशी माहिती आता समोर येत आहे.

अशोक खरातचा मोबाईल पोलिसांनी जप्त केला आहे. त्यांच्या डेटामधून अनेक धक्कादायक माहिती समोर येत आहे. त्यात अनेक नेत्यांचे नावे ही कोडवर्डमध्ये सेव्ह केले असल्याची माहिती समोर येत आहे. खरातच्या मोबईलमध्ये त्याने अडीच हजारांहून अधिक नंबर कोडवर्डमध्ये सेव्ह केले असल्याचे तपासात आढळले आहे.

कोणतीही राजकीय निर्णय घेण्यापूर्वी हे राजकीय नेते भोंदू अशोक खरातचा सल्ला घेत असल्याची माहिती आहे. निवडणुकीत फॉर्म भरण्यापूर्वी देखील राजकीय नेते अशोक खरातला वेळ आणि तारीख विचारत असत.

अशोक खरात प्रकरणी SIT कडून तांत्रिक पुरावे आणि मोबाईल डेटातून नवनवीन खुलासे होत आहे. भोंदू अशोक खरातच्या मुलीच्या लग्न पत्रिकेत ही सर्व सत्ताधारी आणि विरोधी पक्षांच्या नेत्यांची नाव छापली असल्याचे समोर आले असून ही लग्नपत्रिका समाज माध्यमावर प्रसिद्ध झाली आहे.

खरातच्या अटकेच्या वेळी त्याचा लॅपटॉप, मोबाईलसह विविध कागदपत्रेही पोलिसांनी ताब्यात घेतले होते.त्यातील डाटा तपासणी सुरु आहे. खरात आणि त्यांच्या संपर्कात आलेल्या संशयीतांची कसून चौकशी पोलिस करीत आहेत. त्याचे आर्थिक व्यवहार तपासले जात आहे. डिजिटल पुरावे, आणि इतर पीडित महिलांची माहिती घेतली जात आहे.