Sanjay Gaikwad : हिंदी भाषेचं समर्थन करताना शिंदेंच्या आमदाराची जीभ घसरली छत्रपती संभाजी महाराजांबाबत केलेल्या 'त्या' विधानामुळे नवा वाद

Sanjay Gaikwad Controversy : "आपण पर राज्यात गेल्यावर तिथे मराठीत बोलणार का? जगात टीकायचे असेल तर सगळ्या भाषा शिकल्या पाहिजेत. पाकिस्तानचा दहशतवाद ओळखायचा रोखायचा असेल तर आपणाला उर्दू भाषा देखील शिकली पाहिजे,"
Sanjay Gaikwad Controversy
Sanjay Gaikwad ControversySarkarnama
Published on
Updated on

Sanjay Gaikwad Controversy : महाराष्ट्रात हिंदी भाषा सक्तीच्या मुद्द्यावरून चांगलंच राजकारण तापलं आहे. राज्य शासनाने हिंदी सक्तीबाबात जी.आरला राज्यभरातून तीव्र विरोध झाला. ठाकरेंची शिवसेना आणि मनसेने या निर्णायाविरोधात आक्रमक पवित्रा घेतल्यामुळे शासनाला अखेर तो जी.आर रद्द करावा लागला.

शासन निर्णय रद्द केल्यानंतर मनसे आणि ठाकरेंच्या शिवसेनेकडून मुंबईत संयुक्त विजयी मेळाव्याचे आयोजन करण्यात आले होते. या मेळाव्यात बोलताना उद्धव आणि राज ठाकरेंनी हिंदी भाषेच्या सक्तीवरून सत्ताधाऱ्यांवर हल्लाबोल केला. शिवाय मराठी भाषेबाबत कोणतीही तडजोड केली जाणार नाही, असा इशारा देखील त्यांनी या मेळाव्यातून दिला.

मात्र, याच मेळाव्यावर आणि ठाकरेंच्या भूमिकेवर शिंदेंच्या शिवसेनेकडून टीका केली जात आहे. अशातच आता हिंदी भाषेचे समर्थन करताना शिवसेना आमदार संजय गायकवाड यांनी वादग्रस्त वक्तव्य केलं आहे. "छत्रपती संभाजी महाराज 16 भाषा शिकले. मग ते मुर्ख होते का? असं धक्कादायक विधान त्यांनी केलं आहे.

Sanjay Gaikwad Controversy
Thackeray Brand : "ब्रँड असता तर..."; शिंदेंच्या आमदाराने थेट बाळासाहेब ठाकरेंचे नाव घेत 'ठाकरे ब्रँड'वर उपस्थित केली शंका

संजय गायकवाड काय म्हणाले?

आमदार गायकवाड म्हणाले, "विषय फक्त हिंदीचा नाही. जगात आज टिकायचं असेल तर तुम्हाला अनेक भाषा अवगत झाल्या पाहिजेत. छत्रपती संभाजी महाराज 16 भाषा शिकले. मग ते मुर्ख होते का? छत्रपती शिवाजी महाराज बहुभाषिक होते.

ताराराणी, येसूबाई, जिजाऊमाँसाहेब अनेक भाषा शिकल्या हिंदी भाषेसह मग हे लोकं मुर्ख होते का? त्यामुळे यावरून राजकारण करून मतांचं राजकारण करणं चुकीचं आहे, असं गायकवाड यांनी म्हटलं आहे.

Sanjay Gaikwad Controversy
Nitin Gadkari : नितीन गडकरींची एकनाथ शिंदेंच्या आमदाराला तंबी, म्हणाले, 'सुधारणार...'

तसंच आपण पर राज्यात गेल्यावर तिथे मराठीत बोलणार का? जगात टीकायचे असेल तर सगळ्या भाषा शिकल्या पाहिजेत. पाकिस्तानचा दहशतवाद ओळखायचा रोखायचा असेल तर आपणाला उर्दू भाषा देखील शिकली पाहिजे, असंही त्यांनी म्हटलं आहे. त्यांच्या या वक्तव्यामुळे आता नव्या वादाला तोंड फुटलं आहे.

सरकारनामाचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Politics News on Sarkarnama
sarkarnama.esakal.com