Vidhan Bhavan latest updates: उद्धव ठाकरे विधानभवनात दाखल; नागपूरमध्ये पोहचताच उचलले मोठे पाऊल, सत्ताधाऱ्यांची चिंता वाढली

Nagpur News : नागपूरमध्ये सुरू असलेल्या हिवाळी अधिवेशनाचा गुरुवारी चौथा दिवस आहे. अधिवेशनासाठी माजी मुख्यमंत्री उद्धव ठाकरे गुरुवारी दुपारी मुंबईवरून विधिमंडळात दाखल झाले. विधिमंडळात दाखल होताच त्यांनी रणनीती आखण्यास सुरुवात केली आहे. नागपूरमध्ये पोहोचताच त्यांनी मोठी राजकीय चाल खेळली असून उद्धव ठाकरे यांच्या शिवसेनेच्या आमदारांची तातडीने बैठक बोलवली आहे. या बैठकी दरम्यान ते आमदारांना काही महत्वपूर्ण सूचना करणार असल्याचे समजते. त्यासोबतच गुरुवारी चार वाजता विधिमंडळ पक्ष कार्यालयात उद्धव ठाकरे यांची पत्रकार परिषद होणार असुन त्यामध्ये काय घोषणा करणार याकडे सर्वांचे लक्ष लागले आहे.

नागपूरमधील हिवाळी अधिवेशनाला सुरुवात होऊन तीन दिवसाचा कालावधी झाला आहे. यावेळी काही महत्वपूर्ण विषयवर सभागृहात चर्चा झाली आहे. मात्र, महत्त्वाच्या विषयाला सत्ताधाऱ्याकडून बगल दिली जात असल्याचे निदर्शनास येत आहे. त्यातच अधिवेशनाचा कमी असलेला कालावधी वाढवावा, अशी मागणी विरोधकांकडून केली जात असली तरी त्याकडे दुर्लक्ष केले जात असल्याचं पुढे आले आहे.

त्यातच विधानसभा व विधानपरिषदेतील विरोधी पक्ष नेता निवडीच्या मागणीकडे मुख्यमंत्री देवेंद्र फडणवीस (Devendra Fadnavis) दुर्लक्ष करीत आहेत. त्यांनी विरोधी पक्ष नेता निवडीचा निर्णय अध्यक्ष व सभापती घेतील, असे सांगून निवडीचा चेंडू त्यांच्या कोर्टात ढकलला आहे. त्यामुळे आता उद्धव ठाकरे याबाबत काय भूमिका घेणार याकडे सर्वांचे लक्ष लागले आहे.

उद्धव ठाकरे (Uddhav Thackeray) यांनी गुरुवारी नागपुरात दाखल होताच सर्व सूत्रे हाती घेत लागलीच ठाकरे यांच्या शिवसेनेच्या आमदारांची तातडीने बैठक बोलवली आहे. या बैठकी दरम्यान ते आमदारांना काही महत्वपूर्ण सूचना करणार असल्याने या बैठकीत काय भूमिका घेणार याकडे सर्वांचे लक्ष लागले आहे.

दरम्यान, गुरुवारी दुपारी शिवसेना आमदारांच्या बैठकीनंतर गुरुवारी दुपारी चार वाजता ठाकरे यांच्या शिवसेनेच्या विधिमंडळ पक्ष कार्यालयात उद्धव ठाकरे यांची पत्रकार परिषद होणार असुन त्यामध्ये काय घोषणा करणार याकडे सर्वांचे लक्ष लागले आहे.