Devendra fadnavis Politics: देवेंद्र फडणवीस यांचे निवडणुकीबाबत सूचक संकेत, म्हणाले, तर मैत्रीपूर्ण लढती होतील!

Devendra Fadnavis News: आगामी महापालिका आणि जिल्हा परिषद निवडणुकीची आढावा बैठक झाली. यावेळी उत्तर महाराष्ट्रातील पदाधिकाऱ्यांनी आढावा सादर केला. महायुती की स्वबळावर याचा निर्णय मात्र गुलदस्त्यातच राहिला.

या बैठकीबाबत मुख्यमंत्री देवेंद्र फडणवीस यांनी माहिती दिली. गेल्या निवडणुकीत उत्तर महाराष्ट्र पक्षाला चांगले यश मिळाले होते. यंदाच्या निवडणुकीत त्याची पुनरावृत्ती होईल असा दावा त्यांनी केला.

आगामी निवडणुकांबाबत भाजप कार्यकर्त्यांच्या भावना जाणून घेतल्या. निवडणुकीत स्थानिक परिस्थितीचा विचार करून निर्णय घेतला जाईल. सध्या तरी जिथे जिथे शक्य असेल तिथे युती पुण्यावर भर दिला जाईल. ती झाली नाही तर मैत्रीपूर्ण लढती कराव्या लागतील, असे मुख्यमंत्री देवेंद्र फडणवीस म्हणाले.

पक्षाचे प्रदेशाध्यक्ष रवींद्र चव्हाण यांच्या उपस्थितीत झालेल्या या बैठकीत जिल्हा अध्यक्ष आणि महानगराध्यक्षांनी आपला आढावा सादर केला. यावेळी बहुतांश नेत्यांनी आगामी निवडणुकांत पक्षाला यश मिळेल असा दावा केला. लोकांची संख्या लक्षणीय असल्याचे त्यांनी सांगितले.

महापालिका, जिल्हा परिषद आणि नगरपंचायतींच्या निवडणुकीचा विचार यावेळी करण्यात आला. आगामी राजकीय स्थितीचा विचार यावेळी करण्यात आला. राज्यात सर्व विभागांमध्ये अशा बैठका होणार आहे.

लवकरच पुढील बैठक घेऊन नेमकेपणाने चर्चा होईल. निवडणुकीला कसे सामोरे जायचे याचे मार्गदर्शन त्या बैठकीत करण्यात येईल. राज्यात महायुतीचे सरकार आहे. जिथे शक्य असेल तिथे युती होईल. अन्यथा मैत्रीपूर्ण लढती देखील होऊ शकतात, असे मुख्यमंत्री म्हणाले.

------