Jalgaon News : भाजप आमदाराचा स्फोटक आरोप : पोलिस निरीक्षकाकडून महिलेचे लैगिंक शोषण, तक्रार केली तर गोळी घालण्याची धमकी

Jalgaon News : स्थानिक गुन्हे शाखेचे पोलीस निरीक्षक संदीप पाटील यांनी एका महिलेला लग्नाचे आमिष दाखवून तीचे लैंगिक शोषण केल्याचा खळबळजनक आरोप भाजप आमदार मंगेश चव्हाण यांनी केला आहे. त्या महिलेने यासंदर्भात आमदाराकडे म्हणजेच माझ्याकडे जर तक्रार केली तर मी स्वतः गोळी मारून घेईन आणि आमदारालाही गोळी मारेल, अशी धमकी दिल्याचा आरोप आमदार मंगेश चव्हाण यांनी केला.

जळगावात शुक्रवारी झालेल्या जिल्हा नियोजन समितीच्या बैठकीत आमदार मंगेश चव्हाण यांनी एका महिलेच्या बाबतीत घडलेल्या लैंगिक शोषणाच्या गंभीर प्रकाराची माहिती दिली. त्यांनी पुराव्यांसह आरोप करत ऑडिओ रेकॉर्डिंगही उपस्थितांना ऐकविली. संबधित महिला एका प्रकरणात पोलिस निरीक्षक पाटील यांच्याकडे न्याय मागण्यासाठी गेली होती. मात्र त्यांनी तिच्याशी जवळीक करत तीला लग्नाचे आमिष दाखवले. तिच्यावर वारंवार अत्याचार केला व नंतर लग्न करण्यास नकार दिल्याची माहिती आमचार चव्हाण यांनी दिली.

नियोजन समितीची सभा संपल्यानंतर आमदार चव्हाण यांनी तातडीने एमआयडीसी पोलिस ठाणे गाठलं. आमदार चव्हाण तब्बल चार तास पोलिस ठाण्यात थांबून होते. महिलेवर अत्याचार करुन आमदाराला गोळी घालण्याची धमकी देणाऱ्या पोलिस निरीक्षकावर कारवाई झाली पाहीजे अशी मागणी त्यांनी केली. तक्रारदार महिला देखील यावेळी साडेचार तास थांबून होती. त्यानंतर मी उद्या सकाळी येते असे सांगून महिला पोलिस ठाण्यातून निघून गेल्याने गुन्हा दाखल होऊ शकला

सभा संपल्यावर आमदार चव्हाण यांनी शुक्रवारी (ता. २९) दुपारी साडेचारपासून एमआयडीसी पोलिस ठाण्यात धडकले, आमदार चव्हाण तब्बल चार तास पोलिस ठाण्यात थांबून होते. तक्रारदार महिला एमआयडीसी पोलिस ठाण्यात साडेचार तास थांबून होती. दरम्यान, साडेचार तासानंतर ही महिला 'मी उद्या सकाळी येते', असे सांगून पोलिस ठाण्यातून निघून गेल्याने गुन्हा दाखल झाला नाही.

दरम्यान एमआयडीसी पोलिस ठाण्यात गुन्हा दाखल झाल्यानंतर या प्रकरणाची पूर्ण माहिती समोर येईल. लवकरच पोलिस निरीक्षक पाटील यांना पदावरून काढून गुन्हा दाखल होईल, ती कारवाई सुरू असल्याची माहिती आमदार चव्हाण यांनी दिली.

संदीप पाटीलला आयुष मणियारची साथ

या सर्व प्रकारात संदीप पाटील याला जळगाव येथील आयुष मणियार नामक व्यक्तीची मदत होत होती. त्याचीच गाडी, सिमकार्ड यामध्ये वापरले जात होते. तोच त्या महिलेची जाण्यायेण्याची, राहायची सर्व व्यवस्था लावून द्यायचा. तोदेखील या लैंगिक शोषण प्रकरणात सहआरोपी आहे. संदीप पाटील त्या महिलेला सांगायचा की, मी कुणाला घाबरत नाही, पालकमंत्री, आमदार माझ्या खिश्यात आहेत, एसपीकडे जा की आयजी, डिजी कडे जा माझं कुणी काही करू शकत नाही अश्या धमक्या देखील तो द्यायचा.