Nashik News : नाशिक शहरातील वाढत्या वाहतूक कोंडीच्या पार्श्वभूमीवर अन्न, नागरी पुरवठा व ग्राहक संरक्षण मंत्री छगन भुजबळ यांनी आज शनिवार ( दि. १४) नाशिकच्या द्वारका सर्कलची पाहणी केली.
नाशिकच्या द्वारका सर्कलमुळे गेल्या काही दिवसापासून वाहतूक कोंडी होताना दिसत आहे. शहरातील वाहतूक कोंडी फोडण्यासाठी द्वारका सर्कल कमी करुन चौकात हाजी अलीच्या धर्तीवर सिग्नल यंत्रणा बसवली जात आहे. याच कामाची पाहणी करताना छगन भुजबळ यांनी महापालिका, वाहतूक पोलीस आणि राष्ट्रीय महामार्ग प्राधिकरण यांच्या अधिकाऱ्यांना चांगलेच झापलं.
द्वारका चौकात सिग्नल बसविण्याचे सुरु असलेले काम अत्यंत संथ गतीने सुरु आहे. त्यातच उड्डाण पूलावर पावसाळी कामाची दुरूस्ती केली जात असल्याने वाहने खाली रस्त्यावर येतात. त्यामुळे चौकात वाहतूक कोंडी वाढते. द्वारका चौकापासून थेट सारडा सर्कलपर्यंत वाहनांच्या रांगा लागत आहे. परिणामी या ठिकाणांहून जाताना वाहनधारकांना जीव धोक्यात घालून जावे लागत आहे. त्यामुळे भुजबळांनी अचानक येथील पाहणी केली.
मुंबई नाका ते द्वारका परिसरात उड्डाण पुलाखाली भिक्षेकऱ्यांनी ठाण मांडले असून, सर्व्हिस रोडवर अतिक्रमणाचा विळखा वाढला आहे. या परिस्थितीबाबत विचारणा करताच महापालिकेच्या अधिकाऱ्यांनी ‘हे आमचं काम नाही’ असं उत्तर दिलं. मनपा अधिकाऱ्यांचे हे उत्तर ऐकुन छगन भुजबळ संतापले. त्यांनी अधिकाऱ्यांना चांगलेच खडेबोल सुनावले.
भुजबळ म्हणाले, मी मुंबई महापालिका सांभाळली आहे. कोणाचे काय काम आहे, हे मला चांगलेच माहिती आहे. त्यामुळे तुम्ही ते मला शिकवू नका. अधिकाऱ्यांनी जर आपलं काम वेळेत केलं नाही तर मी स्वत:रत्स्त्यावर उतरुन कारवाई करेल असा इशाराच भुजबळांनी दिला. ते पुढे म्हणाले, सध्याचे अधिकारी खूपच बिझी झाले आहेत. त्यांना मानस हॉटेलमध्ये जायला वेळ आहे, पण इथे माझ्यासोबत कामाची पाहणी करायला यायला वेळ नाही या शब्दात त्यांनी वरिष्ठ अधिकाऱ्यांना सुनावलं.
भुजबळांनी संबधित ठेकेदारांना व अधिकाऱ्यांना वेळेत काम पूर्ण करा असे आदेश दिले. माझ्या सहनशीलतेचा अंत पाहू नका असंही भुजबळ म्हणाले. दरम्यान मंत्री छगन भुजबळ यांच्या पाहणी दौऱ्यानंतर प्रशासनाने त्वरीत पावले उचलली. द्वारका चौक परिसरात अनधिकृतरित्या उभे राहणारे फेरीवाले, फळ विक्रेते तसेच रिक्षा आणि टॅक्सी चालकांना वाहतूक पोलिसांनी हटवले. द्वारका चौकात अनधिकृतपणे उभ्या वाहनांवर नाशिक पोलिसांच्या वाहतूक शाखेकडून दंडात्मक कारवाईला सुरुवात करण्यात आली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.