Maharashtra politics : राज्यात मनसे अध्यक्ष राज ठाकरे व शिवसेना उबाठाचे प्रमुख उद्धव ठाकरे या दोन्ही बंधूंच्या एकत्र येण्याची चर्चा जोरात होती. मात्र मुख्यमंत्री देवेंद्र फडणवीस व राज ठाकरे यांच्यात झालेल्या भेटीनंतर आता दोन्ही ठाकरे बंधूंच्या मनोमिलनात मीठाचा खडा पडला असल्याचं बोललं जात आहे.
मुंबईत 12 जून रोजी सकाळी एका हॉटेलमध्ये मुख्यमंत्री देवेंद्र फडणवीस व मनसे अध्यक्ष राज ठाकरे या दोघांमध्ये तासभर चर्चा झाली. या चर्चेनंतर देवेंद्र फडणवीस यांनी गेम फिरवल्याचं बोललं जात आहे. त्यामुळे मनसे व ठाकरे यांच्या शिवसेनेतील युतीला ब्रेक लागण्याची शक्यता आहे.
नाशिकमध्ये शिवसेना(उबाठा) व मनसेची चांगली ताकद आहे. नाशिक हा मनसेचा एकेकाळी बालेकिल्ला राहिला आहे. शिवसेना उबाठाचेही बऱ्यापैकी संघटन आजून नाशिकमद्ये टिकून आहे. त्यामुळे दोन्ही पक्षांच्या काही स्थानिक नेत्यांनी नाशिक महापालिका निवडणुकीच्या अनुषंगाने युतीसाठी पुढाकार घेतला होता. त्या निमित्ताने कार्यकर्त्यांचे मनोमिलन झाले होते. त्यांनी ठाकरे सेना व मनसे युतीसाठी प्रयत्न सुरु केले होते. त्यासाठी मेळावे घेण्याची तयारी करण्यात आली होती. त्या प्रयत्नांही आता फडणवीस व राज ठाकरे यांच्या भेटीनंतर ब्रेक लागला आहे.
विशेषत: नाशिकमध्ये ठाकरे गटाचे नेते व पदाधिकारी यांनी मनसेच्या कार्यालयात वास्तुशांतीच्या कार्यक्रमाच्या निमित्ताने उपस्थिती लावली होती. कार्यकर्त्यांनी उद्धव ठाकरे व राज ठाकरे यांचा एक फोटोही यावेळी आणला होता. त्यावर हिंदुत्व प्लस ठाकरे बरोबर महाराष्ट्र असं लिहलं होतं. त्याची राज्यभरात चर्चा व बॅनरबाजी झाली होती. त्यामुळे या दोन्ही पक्षाच्या कार्यकर्त्यांमध्ये अधिक जवळीक निर्माण झाली होती.
मात्र आता फडणवीस व राज ठाकरे यांच्यातील भेटीमुळे स्थानिक पातळीवर त्याचा परिणाम झाला आहे. दोन्ही पक्षातील नेत्यांनी व कार्यकर्त्यांनी युतीसाठीचे प्रयत्न करणे थांबवले आहे. त्यामुळे दोन्ही पक्षांचे मनोमिलन आता आणखी लांबणीवर पडले असून गणित बिघडले आहे.
फडणवीसांकडून शुभेच्छा...
त्यात आज राज ठाकरे यांना मुख्यमंत्री देवेंद्र फडणवीस यांनी वाढदिवसाच्या शुभेच्छा दिल्या आहेत. त्यांनी एक्स'वर राज ठाकरे यांचा फोटो पोस्ट केला आहे. महाराष्ट्र नवनिर्माण सेनेचे प्रमुख श्री राज ठाकरे जी यांना वाढदिवसाच्या हार्दिक शुभेच्छा! असं त्यासोबत फडणवीस यांनी लिहंल आहे. त्यामुळे आणखीच फडणवीस यांनी राजकीय डाव टाकल्याच्या चर्चांना अधिक उधाण आलं आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.