Dhule BJP News: मुख्यमंत्री देवेंद्र फडणवीस यांची आज धुळे येथे सभा झाली. या निमित्ताने महापालिका निवडणुकीच्या प्रचाराला त्यांनी सुरुवात केली. यावेळी त्यांनी धुळेकरांना अनेक आश्वासने दिली.
मुख्यमंत्री देवेंद्र फडणवीस यांची आज धुळे शहरात सभा झाली. महापालिका निवडणुकीच्या प्रचारासाठी त्यांनी पुन्हा एकदा भाजपाला बहुमत देण्याचे आवाहन केले. यावेळी त्यांनी अनेक आश्वासने दिली.
राज्यात सध्या भाजपचे अनेक नगरसेवक बिनविरोध निवडून आले आहेत. यावरून विरोधकांनी भाजपला लक्ष्य केले आहे. विशेषता मनसे प्रमुख राज ठाकरे यांनी भाजपला घेरले आहे.
या पार्श्वभूमीवर मुख्यमंत्री देवेंद्र फडणवीस यांनी बिनविरोध नगरसेवक निवडीचा प्रश्न उपस्थित केला. या प्रश्नावरून त्यांनी काँग्रेसला चिमटा घेतला. विरोधकांच्या टीकेला त्यांनी उत्तर दिले
मुख्यमंत्री फडणवीस म्हणाले, देशात आजवर 35 खासदार बिनविरोध निवडून आले आहे. काँग्रेसच्या सत्ता काळात हे खासदार बिनविरोध निवडून आले.
काँग्रेसच्या सत्ता काळात खासदार बिनविरोध निवडून आले, त्याने लोकशाही सुरक्षित राहिली. मात्र महापालिका निवडणुकीत भाजपचे नगरसेवक बिनविरोध निवडून आले. तेव्हा काँग्रेसने लोकशाहीचा खून झाल्याचा डांगोरा पिटला आहे. हा दुटप्पीपणा हा पक्ष केव्हा सोडणार? असा प्रश्न मुख्यमंत्र्यांनी केला.
धुळे महापालिका निवडणुकीच्या प्रचार सभेत त्यांनी आगामी काळात शहराची जबाबदारी घेणार असल्याचे सांगितले. शहरातील विविध योजनांसाठी मुबलक निधी दिला जाईल. इलेक्ट्रिक बस यांसह महिलांसाठी मार्केट आणि कचऱ्याचा प्रश्न सोडविण्यात येईल. धुळे शहरातील पिण्याच्या पाण्याचा प्रश्न तातडीने निकालात निघेल, असे आश्वासन त्यांनी दिले.
--------
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.