Girish Mahajan : भुजबळांच्या टोल्याला महाजनांनी जोरदार प्रत्युत्तर दिलं..म्हणाले जळगावची चिंता..

Girish Mahajan on Chhagan Bhujbal : नाशिकच्या पालकमंत्रीपदाचा तिढा अद्याप कायम असताना मंत्री गिरीश महाजन यांना ध्वजारोहणाचा मान मिळाला. त्यामुळे भुजबळ -महाजन यांच्यात शाब्दिक टोलवाटोलवी सुरु आहे.
Chhagan Bhujbal, Girish Mahajan
Chhagan Bhujbal, Girish MahajanSarkarnama
Published on
Updated on

Girish Mahajan : राज्यात महायुतीचे सरकार स्थापन होऊन आठ महिने झाले तरी नाशिकला आजून पालकमंत्री मिळालेला नाही. त्यात १५ ऑगस्टला नाशिकमध्ये ध्वजारोहण करण्याचा मान जळगाव जिल्ह्याचे मंत्री असलेल्या गिरीश महाजन यांना मिळाला. त्यावरुन राष्ट्रवादीचे जेष्ठ नेते छगन भुजबळ यांनी महाजन यांना आपल्या शैलीत टोला लगावला होता, जळगाव जिल्हा आणि आपल्या जामनेरला विसरू नका असं भुजबळांनी म्हटलं होतं.

त्यानंतर आता जळगावमध्ये पत्रकारांशी संवाद साधताना मंत्री गिरीश महाजन यांनी भुजबळांना प्रत्युत्तर दिलं आहे. भुजबळांनी जळगावची चिंता करू नये. जळगावची एकहाती सत्ता आम्ही घेणार आहोतच. मी नाशिकला सुद्दा येईल असं महाजन यांनी आपल्या शैलीत भुजबळांना सुनावलं आहे.

महाजन पुढे म्हणाले, माझ्याकडे संपूर्ण उत्तर महाराष्ट्राची जबाबदारी आहे. त्यामुळे मी नाशिकमध्ये देखील येणार आहे. मागच्यावेळी देखील माझ्या हाती नाशिक महापालिकेची सूत्रे होती. कुंभमेळा मंत्री म्हणून सुद्धा मीच काम बघितलं. त्यामुळे कदाचित गंमतीने भुजबळ साहेब बोलले असतील, असा टोला महाजन यांनी हाणला.

Chhagan Bhujbal, Girish Mahajan
Sudhakar Badgujar : गिरीश महाजनांसमोरच सुधाकर बडगुजरांची सीमा हिरेंवर फायरिंग, नेमकं काय झालं?

नाशिकच्या पालकमंत्रीपदासाठी मी कधीही मागणी केलेली नाही. किंवा तशा मागणीसाठी आंदोलन, फलकबाजी असेही काहीही केलेले नाही. नाशिकच्या पालकमंत्रीपदाबाबत मुख्यमंत्री आणि दोन्ही उपमुख्यमंत्री मिळूनच अंतिम निर्णय घेतील. ते जो निर्णय घेतली तो सर्वांना मान्य राहील असं महाजन यांनी म्हटलं.

भुजबळांना महाजनांचे कोणते वाक्य खटकले?

नाशिकच्या पालकमंत्रीपदावरुन पत्रकारांनी प्रश्न विचारला असता महाजन म्हणाले होते, आता झेंडावंदन मीच केलं आहे. हळू हळू झेंडावंदन पर्यंत पोहचलो आहोत. हळू हळू पुढे जाऊ..असं महाजन यांनी म्हटलं होतं. महाजन यांचे हेच वाक्य भुजबळांना खटकले. त्यावर छगन भुजबळ म्हणाले. नाशिक हे सर्वांना आवडतं...त्यामुळे जरुर हळू हळू पुढे या..जळगावकडेही लक्ष द्या. मतदारसंघाला विसरु नका असा टोला भुजबळांनी लगावला होता.

Chhagan Bhujbal, Girish Mahajan
Chagan Bhujbal Vs Girish Mahajan : हळू हळू पुढे या, जळगावकडेही लक्ष द्या : भुजबळांना खटकतीय महाजनांची 'नाशिकमधील' ढवळाढवळ

दरम्यान या सगळ्या प्रकरणावरुन आता महायुतीमध्ये सर्व काही अलबेल नसल्याचे दिसत आहे. नाशिकमध्ये राष्ट्रवादीचे तीन मंत्री आहेत, याशिवाय शिवसेनेचा एक मंत्री आहे. तरीही जळगावच्या गिरीश महाजन यांना ध्वजारोहण करण्याचा मान दिला गेल्याने नाशिकमधील स्थानिक नेते भुजबळांना ही बाब खटकल्याचे दिसून येत आहे. त्यामुळे भुजबळांनी तब्येतीचे कारण देत गोंदिया येथे ध्वजारोहण करण्यास नकार दिला. जे काही करायचंं ते नाशिकमध्येच असं भुजबळांनी म्हटलं.

सरकारनामाचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Politics News on Sarkarnama
sarkarnama.esakal.com