Nashik Drugs News : नाशिकच्या गुंडांना भुजबळ-भुसेंनी पोसलंय; राऊतांचा गंभीर आरोप

Nashik : नाशिक ड्रग्जच्या विळख्यात गेल्याचा आरोप ठाकरे गटाचे नेते, खासदार संजय राऊत यांनी केला आहे. नाशिक शहराचे सध्याचे पालकमंत्री आणि ज्यांना उद्या पालकमंत्री व्हायचे आहे. त्यासाठी त्यांच्या खटपटी सुरू आहेत. हे दोन्ही नेते नाशिकच्या अधोगतीला जबाबदार आहेत," असा आरोप राऊतांनी पत्रकार परिषदेत केला.

नाशिकचे पालकमंत्री दादा भुसे, माजी पालकमंत्री आणि मंत्री छगन भुजबळ आणि पोलिस यंत्रणेवर राऊतांनी हल्लाबोल केला आहे. नाशिकमध्ये वाढता ड्रग्जचा व्यापार आणि गुन्हेगारीवर राऊतांनी सत्ताधाऱ्यांना जबाबदार धरले.

नाशिकचे आजी-माजी पालकमंत्र्यांनी गुंडांना पोसलंय, नाशिक ड्रग्ज प्रकरणाविरोधात ठाकरे गट येत्या 20 तारखेला जिल्हाधिकारी कार्यालयावर मोर्चा काढणार आहे. या मोर्चात सामाजिक संस्था, नागरिक आणि पालकांनी सहभागी होण्याचे आवाहन राऊतांनी आहे.

"हा मोर्चा फक्त शिवसेनेचा नाही. या शहरातील जिल्ह्यातील नागरिकांनी आणि पालकांनीसुद्धा या मोर्चात सहभागी व्हावे, आपला निषेध व्यक्त नोंदवावा. यासाठी आमचे प्रयत्न राहतील, हा विषय राजकीय नसून सामाजिक आहे. हे राजकारण नाही, ज्यांना ज्यांना आमच्या आंदोलनात सहभागी व्हायचे आहे. त्यांनी शिवसेनेच्या आंदोलनात सहभागी व्हायला पाहिजे. मग समाजिक संस्था किंवा राजकीय पक्ष असतील, पण या विराट मोर्चाचे नेतृत्व शिवसेनेचे असेल, हा आमचा इशारा मोर्चा आहे, असे राऊत म्हणाले.