Sinnar Politics : आरक्षण सोडतीने जिल्हा परिषदेच्या सहा आणि पंचायत समितीच्या १२ गणांचे चित्र स्पष्ट झाल्याने सिन्नर तालुक्यात राजकीय घडामोडींना वेग आला आहे. सिन्नर तालुक्यातील सहा गटापैकी दोन गट महिलांसाठी तर चार गट खुले झाले आहेत. शिवाय यावेळी सर्व गटांत चागंलीच चुरस पाहायला मिळणार आहे.
विशेष म्हणजे, गट व गणांतील बहुतांश आरक्षण इच्छुकांच्या अपेक्षेनुसार ठरल्याने त्यांची आशा अधिक उंचावली आहे. मात्र, इच्छुकांची वाढती संख्या नेत्यांच्या डोकेदुखीत भर घालणार आहे. विशेषत: राष्ट्रवादीचे क्रीडामंत्री माणिकराव कोकाटे व शिवसेना उबाठाचे खासदार राजाभाऊ वाजे यांच्या भूमिकेकडे आता सर्वांचे लक्ष लागले आहे. कारण दोन्ही गटाकडून निवडणूक लढणाऱ्यांची संख्या सर्वांधिक आहे.
वाजे व कोकाटे गटाला सर्वसाधारण जागांवर इच्छुकांच्या नाराजीचा सामना करावा लागू शकतो. इच्छुकांना तिकीट न मिळाल्यास त्यांना तिसरा पर्याय देखील खुला असल्याने वाजे व कोकाटे गटाची ती डोकेदुखी ठरु शकते. कारण इच्छुकांकडून अशावेळी उदय सांगळे यांच्या गटाचा विचार केला जाऊ शकतो. त्यामुळे नाराज इच्छुकांना मनावण्यात व त्यांना हाताळण्यात मोठा कस लागणार आहे.
तालुक्यातील सहा गटांपैकी दोन गट महिलांसाठी, तर चार गट खुले झाले आहेत. त्यामुळे येथून भारत कोकाटे व सीमंतिनी कोकाटे यांना मार्ग मोकळा झाला आहे. परंतु दुसरीकडे युवा नेते उदय सांगळे यांचा दापूर गट मात्र महिला राखीव झाल्याने त्यांची संधी पुन्हा हुकली आहे. त्यामुळे माजी अध्यक्षा शीतल सांगळे यांना पुन्हा निवडणुकीच्या रिंगणात उतरवले जाईल किंवा माळेगाव गटाकडे मोर्चा वळवण्याचा पर्याय देखील सांगळे यांच्याकडे आहे.
खुले आणि ओबीसी गट झाल्याने कोंडाजीमामा आव्हाड यांचे पुतणे शशिकांत आव्हाड हे देखील नशीब आजमावू शकतात. माजी सभापती बाळासाहेब वाघ, नीलेश केदार, राजेश गडाख देखील रिंगणात उतरण्याची शक्यता आहे.
जिल्हा परिषदेतल्या सहा गटांपैकी पाच गटांवर खासदार वाजे-सांगळे गटाचे वर्चस्व राहिले होते, तर एका गटावर क्रीडा मंत्री संजय कोकाटे यांच्या कन्या सीमंतिनी कोकाटे निवडून आल्या होत्या. पंचायत समितीतदेखील वाजे-सांगळे गटाने १२ पैकी आठ जागांवर विजय मिळवला होता, तर उर्वरित चार ठिकाणी कोकाटे समर्थकांनी बाजी मारली होती.
पंचायत समिती गणनिहाय आरक्षण
नायगाव (सर्वसाधारण महिला)
मुसळगाव (सर्वसाधारण महिला)
सोमठाणे (ना.मा.प्र.)
पांगरी बु. (सर्वसाधारण)
दापुर (ना.मा.प्र.महिला)
ठाणगाव (सर्वसाधारण)
माळेगाव (अनुसूचित जाती महिला)
गुळवंच (ना.मा.प्र. महिला)
शहा (सर्वसाधारण)
नांदूरशिंगोटे (सर्वसाधारण)
डुबेरे (अनुसूचित जमाती)
शिवडे (अनुसूचित जमाती महिला)
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.