Nashik News, 28 Jan : नाशिकच्या प्रजासत्ताक दिनाच्या कार्यक्रमात डॉ बाबासाहेब आंबेडकर यांचा अनुलेख झाला. त्यावरून मोठा वाद निर्माण करण्याचा प्रयत्न झाला. विशेषत: विरोधकांनी हा मुद्दा लावून धरला आहे.
नाशिकच्या प्रजासत्ताक दिनात मंत्री गिरीश महाजन यांच्या भाषणात डॉ. बाबासाहेब आंबेडकर यांचा उल्लेख राहिला. यावरून वनविभागाच्या कर्मचारी जाधव यांनी तीव्र आक्षेप घेतला. त्यामुळे हा कार्यक्रम वादग्रस्त ठरला.
याप्रकरणी मंत्री गिरीश महाजन यांनी तातडीने दिलगिरी व्यक्त केली. अनावधानाने असा उल्लेख झाला नाही. प्रजासत्ताक दिनाच्या भाषणांमध्ये असा उल्लेख करण्याची पद्धतही नाही. त्यामुळे हा वाद संपवावा असे त्यांनी सांगितले.
मात्र या निमित्ताने भाजप विरोधकांना एक नवा राजकीय मुद्दा मिळाला आहे. वंचित बहुजन आघाडीचे सर्वेसर्वा प्रकाश आंबेडकर यांनी महाजन यांच्यावर टीका केली होती. काँग्रेसचे हर्षवर्धन सपकाळ यांनीही महाजन यांच्या भाषणावर नाराजी व्यक्त केली होती. नाशिकमध्ये वनविभागाच्या श्रीमती जाधव यांनी पोलिसांत तक्रार केली आहे.
दोन दिवसांपूर्वीचे हे प्रकरण अद्यापही थांबण्याची चिन्हे नाहीत. आता हा वाद थेट गिरीश महाजनांच्या जळगाव जिल्ह्यात पोहोचला आहे. पारोळा येथे वंचित बहुजन आघाडीच्या कार्यकर्त्यांनी निषेध केला. अजून यांच्या विरोधात ॲट्रॉसिटीचा गुन्हा दाखल करावा अशी तक्रार पोलीस ठाण्यात केली आहे.
पाचोरा येथे समस्त आंबेडकर चळवळीच्या पदाधिकाऱ्यांनी मोर्चा काढला. हा मोर्चा पोलीस ठाण्यावर नेण्यात आला. पोलिसांना निवेदन देऊन मंत्री महाजन यांच्यावर ॲट्रॉसिटीचा गुन्हा दाखल करण्याची मागणी करण्यात आली. यावेळी नेत्यांनी मंत्री महाजन यांचा निषेध केला.
धुळे येथेही वंचित बहुजन आघाडीतर्फे निषेध करण्यात आला. मंत्री महाजन यांच्या प्रतिमेला जोडे मारण्यात आले. पोलिसांनी त्यांच्यावर कारवाई करावी, अशी मागणी वंचित बहुजन आघाडीचे नेते शंकर खरात यांनी केली. यावेळी मोठ्या संख्येने कार्यकर्ते उपस्थित होते.
प्रजासत्ताक दिनाच्या कार्यक्रमाचा हा वाद तातडीने संपवावा असे आवाहन महाजन यांनी केले आहे. महाजन यांच्या समर्थकांनी त्यासाठी समाज माध्यमांवर डॉ आंबेडकर जयंतीसह विविध कार्यक्रमांना महाजन यांचा सहभाग आणि योगदान याविषयीचे व्हिडिओही व्हायरल केले आहे. त्यामुळे नाशिकच्या प्रजासत्ताक दिनाचा वाद थेट जळगाव आणि राज्यभर पोहोचला आहे. त्यामुळे यावरून विरोधकांना आयतेच कोलीत मिळाल्याने राजकारण सुरू आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.