Shiv Sena fake worker list : उपमुख्यमंत्री एकनाथ शिंदे यांचा संभाव्य अकोले दौऱ्याच्या पार्श्वभूमीवर अहिल्यानगरच्या अकोल्यातील शिवसेनेत पक्ष प्रवेश घोटाळ्यावरून वाद उफळला आहे.
अकोल्यातील मारुती मेंगाळ आणि शिर्डीचे संपर्कप्रमुख बाजीराव दराडे आमने-सामने आले असून, आरोपांच्या फैरी एकमेकांवर डागत आहेत. यातून एकनाथ शिंदेंची यांच्या शिवसेनेतील पक्षांतर्गत वाद असली, तरी पक्ष प्रवेश घोटाळ्यावरून कार्यकर्ते पुरते घायाळ झाल्याचे दिसते.
आदिवासी दिनानिमित्त उपमुख्यमंत्री एकनाथ शिंदे 9 ऑगस्टला अकोले तालुक्याच्या दौऱ्यावर येणार आहेत. मात्र त्यापूर्वीच एकनाथ शिंदे यांच्या शिवसेनेत पक्षांतर्गत वाद उफाळला असून उपजिल्हाप्रमुख मारुती मेंगाळ आणि शिर्डी (Shirdi) लोकसभेचे माजी संपर्कप्रमुख बाजीराव दराडे यांनी एकमेकांवर पक्ष प्रवेशाच्या घोटाळ्यावरून आरोपांच्या फैरी सुरू केल्याने राजकीय वातावरण ढवळून निघू लागले आहे.
चार महिन्यापूर्वी आपल्या समर्थकांसह शिवसेनेत (Shivsena) पक्षप्रवेश करताना मारुती मेंगाळ यांनी प्रवेशासाठी कार्यकर्त्यांची खोटी यादी सादर करताना पक्षाची दिशाभूल केल्याचा आरोप बाजीराव दराडे यांनी केला आहे. एकनाथ शिंदे यांनी वस्तुस्थिती जाणून मारुती मेंगाळ यांच्यावर कारवाई करावी, अशी मागणी बाजीराव दराडे यांनी बाॅम्बच फोडला.
'बाजीराव दराडे करत असलेल्या आरोपात तथ्य नसून माझ्या बदनामीचा प्रयत्न सुरू आहेत. 9 ऑगस्टला एकनाथ शिंदे अकोले दौऱ्यावर येऊ नये, यासाठी दराडे यांचे हे उद्योग सुरू आहेत. एकनाथ शिंदे यांच्या अकोले दौऱ्याचा आणि बाजीराव दराडे यांचा कोणताही संबंध नाही. अहिल्यानगर जिल्ह्यातील अनेक पदाधिकाऱ्यांच्या तक्रारीनंतर दराडे यांना अगोदरच पदापासून बाजूला करण्यात आले आहे. आता त्यांच्याकडून माझ्या बदनामीचा प्रयत्न सुरू आहे. त्यांनी जी यादी दाखवली ती बनावट असून त्यावर माझी सही नाही. पक्षात राहून पक्षाची बदनामी करणे आणि एकनाथ शिंदे अकोले दौऱ्यावर येऊ नये म्हणून विरोध करणे योग्य नाही. बाजीराव दराडे यांनी जे कृत्य केलंय त्याची तक्रार आम्ही वरिष्ठांकडे केली आहे. दराडे जे आरोप करताय त्यात कोणतेही तथ्य नाही', असा घणाघात मारुती मेंगाळ यांनी केला.
'आम्ही त्यांच्या अगोदरपासून पक्षाच्या बांधणीसाठी काम करतोय. आम्हाला विश्वासात न घेता पक्ष प्रवेश केले गेले आणि एकनाथ शिंदेंना चुकीची माहिती दिली गेली. पक्षाच्या माध्यमातून आमच्यावर अन्याय होत असल्याचे एकनाथ शिंदे यांना आम्ही सांगितल आहे. अकोले तालुक्यात विद्यमान आमदारांसोबत 50-60 सरपंच नाहीत, मग मारुती मेंगाळ यांनी पक्ष प्रवेशाला 50-60 सरपंच कुठून नेले?', असा सवाल बाजीराव दराडे यांनी केला.
'खोटेपणा समोर आल्याने आम्ही पक्ष श्रेष्ठींकडे याबाबत कारवाई करण्याची मागणी केली आहे. त्याला उपसभापती करताना माझ्यासह अनेकांनी मदत केली. हा कुणाचाच झाला नाही, हा शिंदे साहेबांचा कसा होईल? मारुती मेंगाळ यांच्या नेतृत्वात काम करण्यापेक्षा मी घरी बसेल. अकोले तालुक्यातील सर्व आदिवासी समाज मारुती मेंगाळ यांच्यासोबत नाही. आमचा विरोध एकनाथ शिंदे यांच्या कार्यक्रमाला नाही, तर मारुती मेंगाळ यांना आहे. मला संपर्कप्रमुख पदापासून दूर केल्याचे पक्षाने अद्याप अधिकृतपणे सांगितलेले नाही. पक्षाने सांगितले तर मी थांबून घेईल', असेही बाजीराव दराडे यांनी म्हटले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.