Shivsena UBT News: महायुती सत्तेत असल्याने त्याचा मोठा फटका शिवसेना ठाकरे पक्षाला सातत्याने बसत आहे. विशेषतः उपमुख्यमंत्री एकनाथ शिंदे यांनी राज्यभर शिवसेना ठाकरे पक्ष कमकुवत करण्यासाठी ताकद आपणाला लावली आहे. त्याचा फटका एरंडोल मध्ये ठाकरे गटाला बसला आहे.
एरंडोल येथील माजी नगराध्यक्ष देविदास महाजन यांचे सुपुत्र आणि माजी उपनगराध्यक्ष आरती महाजन यांचे पती, ठाकरे यांच्या युवा सेनेचे जिल्हा समन्वयक अतुल महाजन यांसह विविध नेत्यांनी उद्धव ठाकरे यांच्या पक्षाला जय महाराष्ट्र केला आहे. त्यांच्यासम्मेत मोठ्या संख्येने पदाधिकारी आणि कार्यकर्त्यांनी शिवसेना शिंदे पक्षात प्रवेश केला.
पालकमंत्री गुलाबराव पाटील तसेच स्थानिक आमदार अमोल पाटील यांच्या प्रयत्नातून ठाकरे पक्षाला हा दणका देण्यात आला आहे. राज्यात सत्ता असल्याने विशेषतः नगरपालिका आणि महापालिकांतील पदाधिकाऱ्यांना सत्तेची सावली आणि निधीचे अमिष सातत्याने खुणावत असते. त्याचाच लाभ एकनाथ शिंदे पक्षाच्या स्थानिक नेत्यांनी घेतला आहे.
एरंडोल (जळगाव) येथे यापूर्वी देखील महत्त्वाच्या पदाधिकाऱ्यांनी शिवसेना ठाकरे पक्षाचा राजीनामा दिला होता. या नेत्यांनी अद्याप अन्य पक्षात प्रवेश केलेला नाही. या पदाधिकाऱ्यांना देखील शिवसेना शिंदे पक्षात प्रवेश व्हावा, यासाठी मोठ्या प्रमाणात प्रयत्न होत आहे. त्या दृष्टीने शिवसेना ठाकरे पक्ष मात्र सत्तेत नसल्याने या सर्व घडामोडींकडे शांतपणे लक्ष ठेवून आहे.
ठाणे येथे उपमुख्यमंत्री एकनाथ शिंदे यांच्या उपस्थितीत दोन दिवसांपूर्वी हा प्रवेश झाला. त्यामध्ये युवा सेनेचे शहर प्रमुख जयेश महाजन माजी नगराध्यक्ष रुपेश माळी शहर संघटक नितीन महाजन यांसह त्यांच्या समर्थकांनी प्रवेश केला. यावेळी पाणीपुरवठा मंत्री गुलाबराव पाटील आणि आमदार अमोल पाटील हे उपस्थित होते.
चार महिन्यांपूर्वी झालेल्या लोकसभा आणि विधानसभा निवडणुकीत शिवसेना उद्धव ठाकरे पक्षाच्या या नेत्यांनी आमदार अमोल पाटील तसेच माजी आमदार चिमणराव पाटील यांच्यावर प्रखर राजकीय टीका केली होती. निवडणुकीत चिमणराव पाटील यांना हैराण करून सोडले होते. मात्र निवडणुकीच्या निकालात वेगळे चित्र निर्माण झाले. त्यामुळे या सर्व नेत्यांनी चार महिन्यांपूर्वी ज्यांच्या प्रखर टीका केली. त्यांच्याच गोटात सामी होण्याचा निर्णय घेतला.
हा राजकीय यूटर्न शहरात चर्चेचा विषय आहे. आगामी नगरपालिका निवडणुकीच्या दृष्टीने त्याचा मोठा फायदा शिवसेना शिंदे पक्षाला मिळण्याची शक्यता आहे. सध्या बहुतांशी शिवसेना उद्धव ठाकरे पक्षाचे पदाधिकारी सामील झाले आहेत. त्यामुळे एरंडोल आणि जळगाव जिल्ह्यातील राजकारणाला महायुतीत भाजपला आव्हान देण्याची तयारी शिंदे पक्षाकडून सुरू झाली आहे.
------
२५ वर्षे पूर्ण करणारा ई-सकाळ आता कॉमस्कोअरमध्ये Number One डिजिटल माध्यमांच्या क्षेत्रातील नवी झेप
-----
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.