Shivsena News; महिला दिनी महिलांनी केला रस्त्यात चुलीवर स्वयंपाक

मनमाड येथे गॅस दरवाढीच्या विरोधात शिवसेना ठाकरे गटाच्या पदाधिकारी, कार्यकर्त्यांचे आंदोलन, महिलांकडून सरकारचा निषेध
Shivsena agitation at Manmad
Shivsena agitation at ManmadSarkarnama

मनमाड : (Nashik) घरगुती वापराच्या गॅस सिलेंडरच्या (LPG Cylinder) किमतीत केंद्र सरकारने (Centre Government) भरघोस वाढ करून महिला दिनानिमित्त (Womens day) महिलांना अनोखी भेट दिल्याचा आरोप करीत मनमाड शहर शिवसेना (Shivsena) ठाकरे गटातर्फे (Uddhav Thackeray) सिलिंडर आडवे पाडून चुलीवर स्वयंपाक करीत निषेध करण्यात आला. यावेळी केंद्र राज्य सरकार विरोधात जोरदार घोषणाबाजी करण्यात आली. (Shivsena agitaion in Manmad city against LPG gas price hike)

Shivsena agitation at Manmad
Chhagan Bhujbal; महिलांना विधानसभा, लोकसभेत आरक्षण द्या

येथील एकात्मता चौकात शिवसेना ठाकरे गटातर्फे चुलीवर स्वयंपाक करण्याचे अनोखे आंदोलन केले. हातात भगवे झेंडे घेऊन शिवसैनिकांनी गळ्यात सिलेंडरचे फलक घातले होते. तर खाली सिलिंडर आडवे करत महिला आघाडीच्या पदाधिकाऱ्यांनी रस्त्यावर चूल मांडून त्यावर स्वयंपाक करत केंद्र सरकारचा निषेध केला.

Shivsena agitation at Manmad
Sanjay Raut On Fadnavis : ''माफ करायचं की नाही हे तुम्ही नव्हे तर...''; संजय राऊतांनी फडणवीसांना ठणकावलं

दिवसेंदिवस वाढणाऱ्या महागाईमुळे सर्वसामान्यांचे जगणे कठीण होत आहे. महागाईने जनता होरपळून निघत असताना केंद्र सरकारने घरगुती गॅस सिलिंडरच्या किमतीत ५० रुपयांनी तर व्यावसायिक गॅस सिलिंडरमध्ये ३५० रुपयांची वाढ केली आहे. यामुळे घरगुती गॅस सिलिंडर १ हजार १०३ रुपये झाल्याने गृहिणींचे बजेट कोलमडले आहे. तर व्यावसायिक गॅस सिलिंडर साठी २ हजार ११९ मोजावे लागत असल्याने व्यावसायिक त्रस्त झाले आहे.

या सर्वांचा परिणाम जीवनावश्यक वस्तूंच्या किमतीवर होत आहे. वाढत्या महागाईने सामान्य नागरिक बेजार झालेला आहे. मात्र, केंद्र सरकार महागाई कमी करण्याऐवजी नेहमी नवे दर जाहीर करून सर्वसामान्यांना धक्का देत आहे

Shivsena agitation at Manmad
Nashik News: विमानसेवेसाठी आदित्य ठाकरे यांनी घेतला पुढाकार!

कोरोना नंतर लोकांच्या रोजगाराचा प्रश्न निर्माण झाला आहे. अर्थव्यवस्था कोलमडली आहे. यातच गॅसचे दर वाढल्याने हे आंदोलन छेडण्यात करण्यात आले.

यावेळी जिल्हाप्रमुख गणेश धात्रक, माजी आमदार राजेंद्र देशमुख, सहसंपर्कप्रमुख प्रवीण नाईक, जिल्हा उपप्रमुख संतोष बळीद, जिल्हा समन्वयक सुनील पाटील, जिल्हा संघटक संजय कटारिया, तालुका संघटक संतोष जगताप, शहरप्रमुख माधव शेलार, आशिष घुगे, सनी फसाटे, लियाकत शेख, रेणुका जयस्वाल, अंकुश गवळी आदी पदाधिकारी व कार्यकर्त्या उपस्थित होते

Shivsena agitation at Manmad
Dilip Bankar News: कांदा आंदोलन केल्यास निधी न देण्याची धमकी?

एजन्सीकडून ग्राहकांची लुबाडणूक...

मनमाड शहरात असलेल्या गॅस एजन्सी कडून गॅस सिलिंडर पोचविण्याच्या नावाखाली सर्रास पैशाची लूट होत असल्याचा आरोप उपजिल्हा प्रमुख संतोष बळीद यांनी करत घरपोच सिलिंडरच्या नावाखाली ३० ते ४० रुपये आकारले जातात. पावती मध्ये घरपोच देण्याची जबाबदारी असते मात्र गॅस एजन्सीद्वारे ग्राहकांकडून पैशाची लुबाडणूक केली जात असल्याने गॅस कंपनीच्या वरिष्ठ अधिकाऱ्यांकडे याबाबत तक्रार केली जाणार असल्याचे त्यांनी सांगितले.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Politics News on Sarkarnama
sarkarnama.esakal.com