Nashik Politics : आगामी स्थानिक स्वराज्य संस्थांच्या निवडणुकांच्या पार्श्वभूमीवर शिवसेना नेते व उपमुख्यमंत्री एकनाथ शिंदे यांनी नाशिकमध्ये उद्धव ठाकरे यांना मोठा धक्का देण्याची तयारी केली आहे. उबाठाच्या नाशिक मधील महानगरप्रमुखालाच गळाला लावण्याच्या हालचाली शिंदेंनी सुरु केल्या आहेत. त्यामुळे ठाकरे सेनेचे टेन्शन वाढले आहे.
शिवसेना उबाठाचे महानगरप्रमुख विलास शिंदे यांच्या मुलीच्या विवाह सोहळ्याच्या निमित्ताने काल एकनाथ शिंदे नाशिकमध्ये आले होते. विवाह सोहळ्याला हजेरी लावत त्यांनी शिंदे कुटुबियांची भेट घेतली. एकनाथ शिंदे यांनी खास उबाठा नेत्याच्या घरी हजेरी लावल्याने राजकीय चर्चेला उधाण आलं आहे. त्यानंतर आता विलास शिंदे यांच्या पक्षातरांच्या चर्चा रंगू लागल्या आहेत.
दरम्यान यासंदर्भात एकनाथ शिंदे यांनी माध्यमांशी संवाद साधला. ते म्हणाले, मी एक मी सर्वसामान्य शिवसैनिक आहे. कोणत्याही कार्यकर्त्यांच्या घरी काही शुभकार्य असेल. तर सर्वांनी यायला हवं अशी त्याची अपेक्षा असते. विलास शिंदे हे बाळासाहेब ठाकरे यांच्या विचारांनी चालणारे शिवसैनिक आहेत, तर शेवटी शिंदे हे शिंदेकडेच जाणार, नाही का? असं बोलून उपमुख्यमंत्री एकनाथ शिंदे यांनी उद्धव ठाकरेंची एकप्रकार झोपच उडवली आहे.
कारण विलास शिंदे हे उबाठाचे महानगरप्रमुख आहेत. महापालिका निवडणुकांमध्ये उमेदवारी वाटपात महानगरप्रमुखाची भूमिका महत्वाची असते. शिवाय विलास शिंदें हे शिवसेना शिंदे गटात गेल्यास काही माजी नगरसेवक देखील त्यांच्यासोबत पक्ष सोडण्याची शक्यता नाकारता येत नाही. त्यामुळे महापालिका निवडणुकीत ठाकरे गटाला मोठा फटका बसू शकतो.
एकनाथ शिंदे यांनी निवडणुकीच्या तोंडावरच उबाठा पक्ष खिळखिळा करण्याचे काम सुरु केले आहे. नुकतेच उबाठाचे नरेंद्र दराडे, निर्मला गावित, गणेश धात्रक अशा शिलेदारांना गळाला लावण्यात त्यांना यश आलं आहे.
विलास शिंदे यांच्यासोबतच उबाठाचे उपनेते सुधाकर बडगुजर यांनाही गळाला लावण्याचा प्रयत्न शिंदेंचा सुरु आहे. बडगुजर यांनी सोमवारी मुख्यमंत्री देवेंद्र फडणवीस यांची भेट घेतल्याने तशाही चर्चा रंगू लागल्या आहेत. शिवाय आज माझ्यासह पक्षातील दहा ते बारा जण नाराज असल्याचं नव्याने विधान बुडगुजर यांनी केलं आहे. विलास शिंदेंही नाराज असल्याचं बडगुजर म्हणाले आहेत. त्यामुळे दोघांच्या पक्षांतराच्या चर्चांना अधिकच बळकटी मिळाली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.