Akola Municipal Corporation : महापालिका निवडणुकांनंतर सत्ता स्थापनेसाठी बहुतांशी महापालिकांमध्ये बहुमताचा आकड्याची जुळवाजुळव सुरू आहे. सर्वाधिक आकडाधारी विरोधकांना चुचकारतोय. यात ज्याच्याबरोबर युती होऊ शकत, अशा विरोधकांना देखील गळ घालण्याचा प्रकार होत आहेत. यातून नगरसेवक गायब, नाॅट रिचेबल असल्याचं समोर येत आहे.
कल्याण-डोंबिवली महापालिकेतील ठाकरेंचे दोन नगरसेवक फुटल्याची चर्चा काल दिवसभर होती. आता अकोला इथून सहा नगरसेवक नाॅट रिचेबल असल्याची चर्चा आहे. पण या चर्चेला ठाकरेंचे आमदार नितीन देशमुख यांनी सेडतोड उत्तर देत, विरोधकांच्या राजकारणाचा फेर त्यांच्यावरच फिरवला आहे.
अकोले (Akola) महापालिकेत 80 सदस्य निवडून आले आहेत. यात भाजप 38 जागा जिंकत सर्वात मोठा पक्ष ठरला आहे. काँग्रेसही 21 जागा जिंकल्या असून, तो दुसरा मोठा पक्ष ठरला आहे. आता सत्ता स्थापनेसाठी दोन्ही पक्षांकडून, जोरदार तयारी सुरू आहे. यात काँग्रेस जादुई आकडा गाठण्यासाठी समविचारी पक्षाशी जुळवाजुळव करत आहेत. यातून भाजपला धक्का देण्याची तयारी करत आहेत.
काँग्रेसच्या जुळवाजुळवीच्या राजकारणाला शह देण्यासाठी भाजपने (BJP) देखील तयारी सुरू केली आहे. विरोधकांना टार्गेट केलं जात आहे. यातूनच शिवसेना उद्धव बाळासाहेब ठाकरे सेना पक्षाचे, सहा नगरसेवक नाॅट रिचेबल असल्याची चर्चांना पेव फुटलं आहे.
या चर्चांना, ठाकरेंचे आमदार नितीन देशमुख यांनी विरोधकांच्या या खोट्या राजकारणावर सुनावलं आहे, 'अकोला महापालिकेत वंचित अन् ठाकरे सेना पक्ष 'किंगमेकर'च्या भूमिकेत आहे. यातूनच या अफवा पेरल्या जात आहे.' ठाकरेंचे अकोल्याचे किल्लेदार आम्ही एकत्र अन् सोबत आहेत. कोणताही नगरसेवक नाॅट रिचेबल नाही. फुटलेला नाही. ते माझ्याबरोबर बैठकीत आहेत, असे नितीन देशमुख यांनी म्हटलं आहे.
नितीन देशमुख यांनी, सहा नगरसेवकांना अकोल्यातली शिवसेना पक्ष कार्यालयात बैठकीसाठी बोलवलं होतं. सत्ता खेळात, छोट्या पक्षांच्या नगरसेवकांना प्रचंड महत्त्व आलं आहे. पण आम्ही एकमताने, वरिष्ठांच्या आदेशानुसार, निर्णय घेणार आहोत, असे सांगितले.
अकोला महापालिकेत त्रिशंकू स्थिती आहे. सत्ता स्थापनेसाठी आवश्यक असलेल्या संख्याबळाची गणित जुळवणं, म्हणजे तारेवरची कसरत आहेत. भाजप सत्ता स्थापन करणार असल्याचा दावा केला असला, तरी काँग्रेस देखील सत्ता स्थापनेसाठी आवश्यक असलेल्या संख्याबळाच्या गणिताजवळ पोहोचली आहे. काँग्रेसने शिवसेना उद्धव बाळासाहेब ठाकरे सेना पक्ष, राष्ट्रवादी काँग्रेस पार्टी शरदचंद्र पवार आणि अजित पवार राष्ट्रवादी काँग्रेस, AIMIM आणि दोन अपक्षांना सोबत घेत सत्ता स्थापनेचे गणित जुळवत आहे.
सत्ता स्थापनेत महत्वात 'किंगमेकर'च्या भूमिकेत असलेल्या वंचित आणि शिवसेना उद्धव बाळासाहेब ठाकरे सेना पक्षाने, मात्र सावध भूमिका घेतली आहे. दोन्ही पक्षांनी काँग्रेसच्या भूमिकेनंतर, भूमिका घेणार असल्याचं सांगत सस्पेंस वाढवला आहे. अकोला महापालिकेतला सत्तासंघर्ष हा महापौर पदाचं आरक्षण जाहीर झाल्यानंतर अधिक तीव्र होईल, असे जाणकारांचे म्हणणे आहे. तोपर्यंत कोण कुठे जातो? अन कुणासोबत युती करीत सत्तेत बसतो? याचं चित्र पुढच्या दोन दिवसांत स्पष्ट होण्याची शक्यता आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.