Nagpur News : महापालिका आणि स्थानिक स्वराज्य संस्थांच्या निवडणुकीच्या संदर्भात सर्वोच्च न्यायालयाने स्पष्ट आदेश दिला आहे. असे असले तरी निवडणूक आयोगाने अद्याप काहीच हालचाली सुरू केल्या नाहीत. त्यामुळे निवडणुका केव्हा होणार याविषय संभ्रम अद्याप कायम आहे. पावसाळा बघात या निवडणुका दिवाळीनंतरच घेतल्या जातील असे दावे केले जात आहे. मात्र, भाजपचे प्रदेशाध्यक्ष व राज्याचे महसूलमंत्री चंद्रशेखर बावनकुळे (Chandrshekhar Bawankule) यांनी या निवडणुका केव्हा होतील याचे सूतोवाच केले आहे.
राज्याचे महसूलमंत्री व भाजपचे प्रदेशाध्यक्ष चंद्रशेखर बावनकुळे यांनी सोमवारी (ता.2 जून) यांच्याशी संवाद साधला. ते म्हणाले, आम्ही निवडणुकीच्या तयारीला लागलो आहोत. आतापर्यंत दीड कोटी सदस्य नोंदणी झाली आहे. उद्या निवडणूक लागली तरी भाजप महायुती त्यास तयार आहे. सर्वोच्च न्यायालयाच्या निकालाचा हवाला देऊन बावनकुळे यांनी ऑक्टोबर महिन्यापर्यंत निवडणुका झाल्या पाहिजे. याकरिता निवडणूक आयोगाने लागणारी संपूर्ण संसाधने राज्य सरकारला प्रदान केले पाहिजे.
आमच्या मतानुसार स्थानिकच्या (Local Body Elections) निवडणुका ऑक्टोबरपर्यंत निवडणुका झाल्या पाहिजे. खाली मोठी अस्वस्थता आहे. त्यामुळे 13 हजार पदे रिक्त आहेत. नगरपालिका, पंचायत समिती, महानगरपालिकेच्या माध्यमातून 13 हजार नवीन नेतृत्व तयार होतील. स्थानिक स्वराज्य संस्था निवडणुकीशिवाय स्थानिक विकास होऊ शकत नाही. याकरिता केंद्र, राज्य सरकार आणि स्थानिक स्वराज्य संस्था या तिन्ही एकत्रितपणे काम केल्यास विकासाचा लाभ सर्वसामान्य लोकांपर्यंत पोहचू शकतो.
महायुतीमध्ये आलबेल ठेवण्याची जबाबदारी भाजप म्हणून आमची अधिक आहे. पक्ष म्हणून आम्ही पुढाकार घेत आहो. महायुतीमध्ये कुठल्याही परिस्थितीत कुठेही ठिणगी पडू नये याची काळजी घेतली जात आहे. रायगडचा पालकमंत्री पदाचा तिढासुद्धा लवकर सुटेल अशी व्यवस्था मुख्यमंत्र्यांनी केलेली आहे.
लवकरच मुख्यमंत्री पालकमंत्री पदाचा तिढा सोडवतील. आपसातील वाद चव्हाट्यावर आणण्यापेक्षा तो आपसात बसवून सोडवाला. जाहीररित्या टीका करण्याची गरज नाही. मी कुठल्या पक्षाला सल्ला देणे योग्य नाही. मात्र नेत्यांनी आपसातील वाद सोडवावे असेही बावनकुळे म्हणाले.
नागपूर महापालिकेत सुमारे तीन वर्षांपासून लोकप्रतिनिधी नाहीत. त्यामुळे महापालिकेच्या प्रशासनाच्या विरोधात रोष वाढत आहे. नागपूर जिल्हा परिषदेचाही कार्यकाळ संपून तीन महिने लोटले आहेत. प्रत्येकाचे लक्ष स्थानिक निवडणुकीकडे लागले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.