Nagpur News: मुख्यमंत्री देवेंद्र फडणवीस आणि केंद्रीय मंत्री नितीन गडकरी यांचं होमग्राऊंड असलेल्या नागपूर महानगरपालिकेच्या निवडणुकीत भाजपनं स्पष्ट बहुमत मिळवत दणदणीत विजय प्राप्त केला. या महापालिका निवडणुकीत मिळवलेल्या विजयाचा जल्लोष सुरू असतानाच दुसरीकडे भाजपच्या गोटातून एक कॉमन मॅन काय करू शकतो,हे समोर आलं आहे.
नागपूर महापालिकेच्या निवडणुकीत प्रभाग क्रमांक 31 मध्ये शुक्रवारी(ता.16) धक्कादायक निकालाची नोंद झाली.या प्रभागात सामान्य कुटुंबातून पुढे येत गणेश चर्लेवार यांनी मिळवलेला विजय चर्चेचा विषय ठरत आहे. नागपूर महापालिकेत शिपाई म्हणून आयुष्यभर नोकरी केलेल्या वडिलांच्या कष्टाचं लेकानं पांग फेडलं आहे. कारण नागपूर महापालिका निवडणुकीत भाजपच्या तिकिटावर विजय खेचून आणत लेक थेट थेट नगरसेवक झाला आहे.
भाजप उमेदवार गणेश चर्लेवार नागपूरमधील अत्यंत प्रतिष्ठित समजल्या जात असलेल्या रेशीमबाग प्रभागातून विजय मिळवला आहे. चर्लेवार हे संघाचे स्वयंसेवक आहेत.त्यांनी भाजपसह संघाच्या विविध उपक्रमांत सहभाग नोंदवत आपला जनसंपर्क वाढवला होता.भाजपनं चर्लेवार यांच्या कामाची दखल घेत त्यांना उमेदवारी जाहीर केली होती. हा विश्वास त्यांनी सार्थ ठरवल्याचं दिसून येत आहे.
नागपूर महापालिकेत निवडून आलेल्या गणेश चर्लेवार यांचे वडील तिथेच शिपाई पदावर कामाला आहेत. पण आता लेकाच्या एन्ट्रीनं बापाची मान अभिमानानं ताठ होणार आहे.गणेश चर्लेवार यांच्या विजयात राष्ट्रीय स्वयंसेवक संघासह भाजपच्या स्थानिक नेते,पदाधिकारी आणि कार्यकर्त्यांनी मोठा वाटा उचलल्याची माहिती समोर येत आहे.
निकालानंतर गणेश चर्लेवार यांच्या विजयानंतर गुलाल उधळत फटाके फोडून भाजपच्या स्थानिक नेते,पदाधिकारी आणि कार्यकर्त्यांनी एकच जल्लोष साजरा केला.नागपूर महापालिकेतील एकूण 151 जागांसाठी झालेल्या निवडणुकीत भाजपनं तब्बल 102 जागांवर विजय मिळवत स्पष्ट बहुमत मिळवलं आहे.
मात्र, भाजपला गेल्या निवडणुकीतील आपल्याच विक्रमाची बरोबरी करता आली नाही. गतवेळी भाजपचे 108 नगरसेवक निवडून आले होते. यावेळी त्यांच्या सहा जागा घटल्या आहेत. मुख्यमंत्री फडणवीस आणि केंद्रीय मंत्री गडकरींचं शहर असल्यानं नागपूर महापालिकेच्या निवडणुकीकडे सर्वांचे लक्ष लागले होते. भाजपने 56 माजी नगरसेवकांच्या तिकिटा कापल्या होत्या. अनेक ज्येष्ठ व निष्ठावंत कार्यकर्त्यांना डावललं होतं.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.